Sfidat e PS-së në 31 vite, Braçe në Report Tv: Berisha është një tigër pa dhëmbë, në opozitë na ka përndjekur si Hitleri hebrenjtë

 

Deputeti socialist Erion Braçe ka komentuar në Report Tv sfidat me të cilat është përballur Partia Socialiste në këto 31 vite. Në ‘Studio Live’ me gazetarin Arbër Hitaj, Braçe tha se periudha më e vështirë ka qenë kur PS ishte në opozitë, e cila përndiqej nga kryeministri i asaj kohe Sali Berisha njëjtë siç Hitletri përndiqte hebrenjtë.  Sot, sipas tij Berisha është thjesht një tigër pa dhëmbë, por në atë periudhë kishte në dorë çdo pushtet.

“31 vite janë të konsiderueshme për një parti, një jetë e tërë, gjithkush që e kishte vitin e parë të një drejtimi në parti sot janë bërë 31 vite, ka kaluar stuhi të mëdha. Ashtu siç ka hequr keq në dy palë periudha opozitare që përndiqej çdo kush si Hitleri-hebrenjtë. I ushtrohej presion, shihet nga një kategori e caktuar njerëzish edhe si alternativë pavarësisht se s’ka as dhëmbët e fuqinë e asaj periudhe. Është një tigër pa dhëmbë, por në atë kohë i kishte të gjitha, janë vrarë njerëz të angazhuar në veprimtari aktive patriotike siç kanë qenë luftëtarë për rezistencën në Kosovë. Të cilët janë zhdukur vrarë. Të tjerë socialistë janë përndjekur në kushtet kur kryetarin e kishin në burg. Është një 31 vjeçar që kishin të gjitha, për të bërë një hap më tutje, modernizmin e partisë, hapjen e dyerve për brezin e tretë, një gjeneratë tjetër që duhet ti përshtatet zhvillimet aktuale.

LEXO EDHE:
Droni në burgun e Peqinit/ Eksperti: Është histori e vjetër! Duhen marrë masa, gardianët e burgjeve trajtohen në mënyrë mizerabël

Është një moment kritik për PS për të zgjedhur rrugën e duhur dhe për të marrë vendimet e duhura për tu rigjeneruar. Të jetë e hapur përkundrejt një marrëdhënie të re me shoqërinë civile që advokon dhe kthen në kauza çështje të rëndësishme që u përkasin të majtës, që në fatkeqësisht shpesh herë gjendemi në mes. Ne duhet të përfshijmë më shumë kauza të shoqërisë civile. Shqipëria ndodhet në një moment të vështirë, po përballemi me pasojat e COVID dhe të pos tërmetit. Lufta sigurisht po vështirëson situatën. Ndaj edhe qeverisja e PS-së në këto momente është themelore”, tha Braçe.

Lajmi kryesor:

Rritja e çmimeve, Braçe: Ka abuzime, Bordi po humb funksionin! Kemi varësi nga importi, duhen masa urgjente! Taksë profesioneve të lira? Sjell drejtësi fiskale

SI.E./Sh.Sh/Shqiptarja.com

TAG:
• fermerët
• profesionet e lira
• rritja e cmimeve
• bordi i transparences
• studio live
• PS
• Erion Braçe
• fermer