POP 5

Lajmet më të lexuara të 5 minutave të fundit

Sociale

Shahini nxjerr rezultatet e 'PISA'-s: Diferenca mes nxënësve në qytet e fshat dhe rënie në shkencë

Pasditen e sotme u diskutuan rezultatet e testimit ‘Pisa’ 2018 që mat njohuritë e nxënësve në tre fusha kryesore, lexim, matematikë dhe shkencë. Ministrja e Arsimit Besa Shahini tha se nga ky testim u nxorën në pah dy shqetësime, diferenca e nxënësve në shkolla urbane dhe rurale dhe uljan e rezultateve të nxënësve në shkencat ekzakte.

Rezultatet e Pisa 2018 u diskutuan pasditen e sotme në një takim që u organizua nga Ministria e Arsimit dhe QSHA. Testi i PISA është një program vlerësimi ndërkombëtar  për njohurit  e nxënësve 15-vjeçarë në  matematikë, shkencë dhe lexim që administrohet cdo tre vjet. Gjatë këtij diskutimi specialist i QSHA, Erind Çela  paraqiti disa prej gjetjeve kryesore të këtij testimi ku morën pjesë të rinjtë shqiptarë.

Gjatë fjalës së saj, Ministrja e Arsimi, Besa Shahini shprehu dy prej shqetësimeve që u evidentuan nga rezultatet e këtij testi. “Kemi disa lajme të mira. Ndër vite Shqipëria njihet si një nga vendet që ka bërë përmirësimin më të shpejtë nga të gjitha vendet e tjera. Pra nuk jemi aty ku duam, por kapërcimet që po bëjmë çdo tre vjet janë të vlefshme për tu cekur.

Nga viti 2015  në vitin 2018 kemi bërë përmirësimin më të shpejtë  në lëndën e matematikës. Në vitin 2017 kur iu bashkëngjita ekipit të MASR, ishin 33 mijë nxënës që mësonin në klasa kolektive. Kemi arritur me shumë vështirësi ta zbresim këtë numër në 23 mijë duke i kaluar pjesën kryesore në shkolla të mëdha ku mësojnë me bashkëmoshatarët, në klasa më të mëdha dhe mësues të specializuar.

Por prapë kemi një numër të madh që mëson në klasa kolektive dhe përpjekja jonë që nuk do të ndalet, duhet të shoqërohet edhe me përpjekjen e të gjitha instancave të tjera, edhe të strukturave vendore edhe partnerëve zhvillimorë që ta zvogëlojmë sa më shumë numrin e nxënësve që janë të detyruar të mësojnë në klasa kolektive" tha Shahini. Brenda 6 mujorit të parë të 2020 do të ketë një analizë më të thellë të rezultateve të Pisa 2018 për të rinjtë shqiptarë, ndërkohë që kanë filluar përgatitjet për Pisa 2021.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mond: 17/01/2020 12:25

    Kjo është e bukur se ala s'ka dal sondazhi kombëtar i studentëve dhe na del kjo për të then qe po ja del

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46