Romani i Erjus Mezinit është një metaforë e rrokshme letrare, një sipërmarrje e pagjasshme në konturet e shansit konkret, megjithatë një ëndërr e njeriut, dje, sot dhe nesër, një ëndërr me qenë i përjetshëm, vjen si një prozë befasuese dhe eksperimentale... Romani “Shansi i dytë“ i autorit Erjus Mezini, ndonëse hyri pa zhurmë, gjithnjë e më shumë po zë vend te lexuesi. Titulli i librit shqipton një makth të pazakontë, një dëshirë marroke të njeriut për të rilindur, mbase për të mbetur në përjetësi, vetvetiu të mbërthen në udhëtimin imagjinar dhe absurd.