Byroja Federale e Hetimeve (FBI) dhe agjencitë e tjera federale të Shteteve të Bashkuara thonë se hakerët iranianë u dërguan emaile të pakërkuara individëve të lidhur me fushatën e presidentit Joe Biden për zgjedhjet e nëntorit, të cilat përmbanin pjesë të të dhënave të vjedhura dhe jopublike të fushatës së ish-presidentit Donald Trump.
Zyra e Drejtorit të Inteligjencës Kombëtare (ODNI), FBI-ja dhe Agjencia e Sigurisë Kibernetike dhe Infrastrukturës së Sigurisë (CISA), thanë në një komunikatë të përbashkët më 18 shtator se Irani bëri përpjekje të ndjellë përçarje dhe ta ndryshojë rezultatin e zgjedhjeve presidenciale të 5 nëntorit në SHBA.
“Aktorët kibernetikë dhe dashakeq iranianë ia kanë vazhduar përpjekjet prej qershorit për t’iu dërguar mediave amerikane materiale të vjedhura dhe jopublike të ndërlidhura me fushatën e ish-presidentit Trump”, thuhet në komunikatë, duke shtuar se nuk ka të dhëna tani për tani që tregojnë ndonjë prej pranuesve të emaileve kanë kthyer përgjigje.
“Kjo veprimtari kibernetike dashakeqe është shembulli më i fundit i qasjes së gjithanshme të Iranit, siç u theksua në deklaratën e përbashkët nga gushti, për të ndjellë përçarje dhe për ta minuar besimin në procesin tonë zgjedhor”, thuhet në njoftim.
Komuniteti i inteligjencës amerikane ka paralajmëruar se pret që Rusia, Kina dhe Irani të përpiqen të ndikojnë në politikat e SHBA-së “për përfitim të interesave të veta dhe për ta minuar demokracinë amerikane dhe qëndrimin e Uashingtonit në botë”.
Zgjedhjet presidenciale në SHBA do të mbahen më 5 nëntor. Votuesit do të zgjedhin mes kandidatit republikan Donald Trump dhe asaj demokrate Kamala Harris.
Bideni ishte kandidat demokrat deri më 21 korrik, kur njoftoi se u tërhoq nga gara dhe e mbështeti Harrisin si zëvendësuese të tij./ REL
Komente
Lajme të tjera
-
Osmani: Kosova të ketë më shumë bashkërendim dhe bashkëpunim me SHBA
26 Shtator, 21:26 -
VIDEOLAJM/ Joe Biden bën gafën e radhës përpara liderëve botërorë, ngatërron New York-un me Washington-in
26 Shtator, 18:53 -
New York/ Shqipëria nënshkruan Deklaratën e Përbashkët të Mbështetjes për Rimëkëmbjen dhe Rindërtimin e Ukrainës
26 Shtator, 18:36 -
Kryebashkiaku i Nju Jorkut nën akuzë për korrupsion dhe përfitim fondesh të paligjshme për fushatën nga burime të huaja
26 Shtator, 17:57 -
FOTOLAJM/ Rama takohet me Vjosa Osmani, në selinë e BE në New York! I pranishëm dhe Joseph Borrell
26 Shtator, 16:27 -
Izraeli refuzon thirrjet e SHBA-së për armëpushim me Hezbollahun
26 Shtator, 15:12 -
LeBron James godet dhe ofendon të birin bashkëlojtar, situatë e pazakontë te Lakers
26 Shtator, 12:42 -
Trump ironizon Zelenskyn: Sa herë vjen në SHBA largohet me 60 miliardë dollarë! Ai është biznesmeni më i mirë në planet
26 Shtator, 08:49 -
Rama në SHBA, merr pjesë në takimin vjetor të Presidiumit të Internacionales Socialiste
25 Shtator, 21:31 -
Vuçiç: S’ka zgjidhje për problemet në Kosovë derisa nuk ndryshojnë rrethanat në botë
25 Shtator, 19:03 -
Inteligjenca amerikane: Irani po synon të eliminojë Donald Trump
25 Shtator, 18:53 -
Kryesimi shqiptar i Kartës së Adriatikut, Ministri Hasani: Të përshpejtohet anëtarësimi i Kosovës
25 Shtator, 17:48
Dua të di se cfarë bën amerika kur këto shtete kanë zgjedhjet e tyre ? Nëse kërkon të destabilizosh botën atëherë është normale që dhe të tjerët do të kundërpërgjigjen , prandaj amerikanët duhet të resoektojnë sovranitetin e popujve të tjerë pastaj të hapin llapën
Përgjigju