SHBA, G7 do të punojnë për të inkurajuar negociatat për Ukrainën

Udhëheqësit e G7 do të diskutojnë në samitin e Hiroshimës (Japoni) se si të krijohen kushtet "të përshtatshme" që palët në konflikt në Ukrainë të ulen për të negociuar. Kështu tha këshilltari i sigurisë i Shtëpisë së Bardhë, Jake Sullivan . Sullivan u tha gazetarëve në bordin e Air Force One rrugës për në Japoni se udhëheqësit e vendeve më të industrializuara në botë do të diskutojnë situatën në Ukrainë dhe sanksionet e vendosura nga komuniteti ndërkombëtar.

"Ata do të flasin gjithashtu për rindërtimin, mbështetjen ekonomike dhe humanitare për Ukrainën dhe se si të vendosen kushtet e duhura, për të formuar një tryezë eventuale negociuese," tha ai. Në këtë pikë të fundit, ai theksoi se liderët e G7 do të fokusohen në mënyrën se si të parandalojnë anashkalimin e sanksioneve të vendosura ndaj Rusisë dhe aleatëve të saj. Në këtë kuptim, ai njoftoi se "Shtetet e Bashkuara do të propozojnë një paketë sanksionesh që do të shoqërohet me komunikatën e G7, e cila do të sillet rreth çështjes së aplikimit të saj". Sullivan njoftoi se do të ketë "një lloj kontakti" midis liderëve të G7 dhe presidentit të Ukrainës, Volodimir Zelenski, por se modalitetet e të njëjtit ende nuk janë përcaktuar plotësisht.

Lajmi kryesor:

Lufta/ Sulm në Odessa, shpërthime në qytet! Kuleba për të dërguarin kinez: Jo propozimeve që përfshijnë humbjen e territoreve

G.MO/Shqiptarja.com

TAG:
• lufta ne ukraine