Të martën përfundoi faza e dëgjimit të dëshmive në gjyqin penal ndaj ish-Presidentit Donald Trump i akuzuar për manipulim të të dhënave të biznesit. Vetë Trump nuk u thirr nga avokatët tij për dëshmuar.
Gjyqi rifillon përsëri më 28 maj, me paraqitjen e argumenteve mbyllëse nga prokuroria dhe avokatët mbrotës. Pas kësaj juria tërhiqet për të marrë vendim nëse ish-presidenti do të shpallet fajtor ose jo.
Gjykatësi i çështjes Juan M. Merchan sugjeroi se seanca gjyqësore e së martës mund të zgjasë deri vonë. Ai shtoi se pas paraqitjes së argumenteve përfundimtare nga palët, ai do t’u japë anëtarëve të jurisë, për rreth një orë, udhëzime mbi mënyrën se si duhet vepruar deri tek vendimarrje e tyre.
Anëtarët e jurisë mund të tërhiqen javën e ardhshme për të vendosur rreth 34 akuzave penale për falsifikim të të dhënave të biznesit që rëndojnë ndaj Trump. Prokurorët e akuzojnë ish-presidentin për një skemë për të fshehur historitë negative ndaj tij, që mund t’i kishin dëmtuar fushatën presidenciale të vitit 2016, si dhe për falsifikimin e të dhënave të biznesit, për të fshehur pagesat që ishin bërë në kuadër të kësaj skeme të dyshuar. Ish-Presidenti Trump i ka mohuar akuzat.
Prokurorët përfunduan procesin e pyetjes së dëshmitarëve të hënën me dëshmitarin kryesor të tyre, Michael Cohen. Cohen dëshmoi për gati katër ditë, duke u përpjekur të fajësonte direkt për organizim të skemës së dyshuar për të ndërhyrë në zgjedhje, Trump. Mbrojtja thirri vetëm dy dëshmitarë pas përfundimit të dëshmisë së Cohen, juristin Daniel Sitko dhe prokurorin Robert Costello.
Gjyqi është në ditën e tij të 20-të. Ish-Presidenti Trump është deklaruar i pafajshëm për të 34 akuzat penale. Ky është gjyqi i parë penal ndaj një ish-presidenti të Shteteve të Bashkuara dhe i pari nga katër çështje penale që janë ngritur ndaj Trump, që po mbërrin tek shqyrtimi i çështjes nga juria./VOA
Lajme të tjera
-
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15
