POP 5

Lajmet më të lexuara të 5 minutave të fundit

Ekonomi

SHBA mbështet marrëveshjen
e TAP : "Hap i rëndësishëm"

Marrëveshja e firmosur sot mes Italisë, Greqisë dhe Shqipërisë, për ndërtimin e gazsjellësit TAP u përshëndet edhe nga i dërguari special dhe koordinatori i SHBA për Çështjet Ndërkombëtare të Energjisë, Karlos Paskual. Sipas tij, Shtetet e Bashkuara e janë në mbështetje të këtij burimi të ri të furnizimit me gaz në Evropë.
SHBA mbështet marrëveshjen <br />e TAP : "Hap i rëndësishëm"
TIRANE - Marrëveshja e firmosur sot mes Italisë, Greqisë dhe Shqipërisë, për ndërtimin e gazsjellësit Trans-Adriatik (TAP) u përshëndet edhe nga i dërguari special dhe koordinatori i SHBA për Çështjet Ndërkombëtare të Energjisë, Karlos Paskual.

“Marrëveshja e Mirëkuptimit që u firmos sot nga Shqipëria, Greqia dhe Italia është një hap i rëndësishëm para në zhvillimin e projektit të Gazsjellësit Trans-Adriatik (TAP). TAP është një nga dy projektet [tjetri i quajtur Nabuko Perëndimor] që konkurojnë për përcjelljen e gazit në Evropë nëpërmjet të ashtuquajturit Korridor Jugor”, lexohet në deklaratë.

Më tej Paskual, sqaron se “Korridori Jugor do të përcjellë gaz, fillimisht nga fusha e Shah Deniz në Azerbaixhan, nëpërmjet Gjeorgjisë dhe Turqisë drejt Evropës”.

Sipas tij, Shtetet e Bashkuara e janë në mbështetje të këtij burimi të ri të furnizimit me gaz në Evropë.

“Shumë vende evropiane varen kryesisht ose tërësisht nga një furnizues i vetëm energjie, dhe ne njohim rëndësinë që këto vende i japin të pasurit akses në burime energjie dhe rrugë transporti të ndryshme”, tha Karlos Paskual.

Nëse firmosja e Memorandumit të Mirëkuptimit mbi Projektin e Gazsjellësit TAP midis Shqipërisë, Italisë dhe Greqisë, do të miratohet edhe nga një konsorcium investitorësh atëherë TAP do të lidhë tre vendet duke sjellë gazin nga fushat e Azerbajxhanit për në Perëndim.

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik

Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik

25 Nëntor, 20:27