Bisedimet mes delegacioneve të Shteteve të Bashkuara dhe Rusisë në Riad të Arabisë Saudite, për një armëpushim në Ukrainë, kanë përfunduar. Ato zgjatën 12 orë. Lajmin e ka bërë të ditur agjencia Ria Novosti nga Moska, e cila shton se deklarata e përbashkët do të publikohet nesër.
Zëdhënësi i Kremlinit, Dmitri Peskov, ka deklaruar se negociatorët rusë dhe amerikanë në Riad nuk parashikojnë të nënshkruajnë asnjë dokument pas bisedimeve
Nga ana tjetër, presidenti Donald Trump ka bërë me dije se marrëveshja me Kievin për mineralet e rralla është gati, "Do ta nënshkruajmë së shpejti",- tha ai, ndërsa mbrëmjen e djeshme negociatorët amerikanë u takuan me ata Ukrainas, po në Riad.
Më herët, presidenti Vladimir Putin, ka zhvilluar një bisedë telefonike me presidentin e Emirateve të Bashkuara Arabe, gjatë së cilës ka diskutuar mbi negociatat midis Moskës dhe Uashingtonit për një zgjidhje të konfliktit në Ukrainë dhe për normalizimin e marrëdhënieve ruso-amerikane.
“Presidenti i Emirateve të Bashkuara Arabe mbështeti përpjekjet e ndërmarra nga Rusia dhe SHBA, dhe veçanërisht mirëpriti konsultimet midis grupeve të ekspertëve në Riad sot”, tha RIA Novosti.
Në shembullin më të fundit të ndërmjetësimit të Emirateve të Bashkuara Arabe, Ukraina dhe Rusia shkëmbyen 175 robër lufte secila më 19 mars. Emiratet e Bashkuara Arabe thonë se rreth 3,000 robër lufte janë shkëmbyer nga të dy vendet me ndërmjetësimin e tyre.
Nga ana tjetër Kina mohon ekzistencën e bisedimeve të mundshme me Europën për një dërgim të mundshëm të forcave paqeruajtëse në Ukrainë.
"Kjo nuk është aspak e vërtetë," deklaroi prerë zëdhënësi i Ministrisë së Jashtme kineze, Guo Jiakun, duke iu përgjigjur pyetjeve të gazetarëve mbi lajmet e publikuara nga Ëelt am Sonntag, sipas të cilave në Bruksel po zhvillohen bisedime për një pjesëmarrje të mundshme të Kinës në një forcë paqeruajtëse në Ukrainë.
"Pozicioni i Kinës mbi krizën në Ukrainë është i qëndrueshëm dhe i qartë," shtoi zëdhënësi i diplomacisë kineze, e cila nuk e ka dënuar kurrë në mënyrë eksplicite pushtimin rus të Ukrainës.
Kina pretendon "neutralitetin" e saj, megjithëse Moska dhe Pekini kanë theksuar disa herë partneritetin e tyre "pa kufij".
Lajmi në përditësim...
Donald Trump
"Po flasim për linjat e demarkacionit (territorial), për atë se kush do të ketë pronësinë e centralit bërthamor" të Zaporizhzhias: kështu tha Donald Trump duke folur në Shtëpinë e Bardhë me gazetarët, lidhur me bisedimet mes Uashingtonit dhe Kievit në Riad të Arabisë Saudite.
Grigory Karasin
Bisedimet me Shtetet e Bashkuara në Riad po vazhdojnë "në mënyrë kreative". Kështu ka deklaruar, pa specifikuar se çfarë nënkupton me këtë, kreu i delegacionit rus në Arabinë Saudite, Grigory Karasin, për agjencinë e lajmeve Interfax, duke theksuar se të dy ekipet "kuptojnë pozicionet e njëri-tjetrit".
"Është e rëndësishme të ruajmë kontaktet në çdo moment dhe të kuptojmë pikëpamjen e tjetrit. Kjo është e mundur," ka theksuar ai.
Foto nga vendngjarja
Një sulm me raketa nga Rusia ka goditur një strukturë pediatrike dhe ka plagosur 74 persona, në qytetin verilindor të Sumyt, thanë zyrtarët lokalë. Në mesin e të plagosurve janë 14 fëmijë.
Ndërkohë, Moska dhe Uashingtoni janë të angazhuar në bisedime në Arabinë Saudite për një armëpushim të mundshëm.
Komente
Lajme të tjera
-
Rusia kërkon heqjen e sanksioneve para nisjes së armëpushimit detar në Ukrainë
26 Mars, 18:45 -
Rusia kushtëzon zbatimin e armëpushimit të pjesshëm me Ukrainën, Lavrov: Duam garanci që Kievi do respektojë pikat e marrëveshjes, SHBA t’i bëjë presion Zelenskyt
26 Mars, 18:30
-
‘Një kompani kineze rekruton ish-punonjës federalë amerikanë të pushuar nga Trump’, alarm për të dhënat e ndjeshme
26 Mars, 18:15 -
Shabani: Biznesmeni afër PD e këshilltari i opozitës po grabisin pronat e banorëve në Shkodër! Kulluri: Opozita pronare e gjysmës së kullave në Tiranë (Ironizon dhe Nokën)
26 Mars, 17:49 -
Presidenti Trump nuk heq dorë nga ‘aneksimi’ i Groenlandës: Do ta marrim
26 Mars, 16:57 -
Veton Surroi: Putini, Trumpi dhe Platoni rivizatojnë Evropën
26 Mars, 16:19
-
Futi gabimisht gazetarin në grupin e mesazheve ku diskutoheshin planet e luftës, këshilltari i Trump pranon fajin: E turpshme! Presidenti amerikan: Evropa gjithnjë ka qenë parazite
26 Mars, 16:17 -
Konfirmohet mbështetja amerikane edhe nga Trump për reformën në drejtësi, ekspertët e OPDAT rikthehen në SPAK
26 Mars, 16:16
-
Sulmet mes negociatave, Zelensky thirrje SHBA të sanksionojë Rusinë: Nuk do paqe të vërtetë
26 Mars, 15:27 -
NBA/ Cleveland dhe Oklahoma 'diktat' në Konferencat përkatëse, Miami mposht Golden State
26 Mars, 13:05 -
Pesë fushat ku Turqia luan rol kyç në çështjet botërore
26 Mars, 12:32 -
Lara Colturi, e pesta në Kupën e Botës në SHBA
26 Mars, 12:04
