SHBA – Disa pamje spektakolare tregojnë një ngritje në fluturim të raketës “Grasshopper” në qiejt e Teksasit. Ishte një fluturim kolaudimi, realizuar nga kompania hapësinore private amerikane Space-X.
 
Hedhja e kësaj rakete është filmuar nga një pikë vështrimi interesante, nëpërmjet një manekini, të cilit i ish vendosur një telekamerë me një teknologji të lartë dhe që qëndronte në një distancë fare të vogël .
 
Ky tip rakete ka si qëllim të ngrihet në ajër dhe të ulet sërisht në të njëjtin shesh nga u nis.
 
“Grasshopper” arriti kuotën e 744 metrave,  përpara se të kthehej në tokë, në një dishezë të kontrolluar, duke u ulur lehtë mbi platformë.

Qëllimi i kompanisë “Space-X” është të riprodhojë një gjeneratë të re raketash të ripërdorshme, jo të destinuara për t’u djegur në atmosferë.