SHBA, del ‘në dritë’ letërshkëmbimi midis John F. Kennedy dhe vajzës që i kërkoi atij të ndalonte rusët: Ata do vrasin Santa Claus-in.
Përgjigja e shkurtër por siguruese që presidenti i dha Michelle Rochon, 8 vjeçe në vitin 1961 është ekspozuar në Bibliotekën dhe Muzeun Presidencial të John F. Kennedy në Boston: Mos u shqetëso. Unë fola me atë dje dhe ai është mirë
Ishte viti 1961. Në zemër të Luftës së Ftohtë, Bashkimi Sovjetik po planifikonte të testonte një bombë bërthamore duke e hedhur atë në rrethin Arktik. Presidenti i Shteteve të Bashkuara, John F. Kennedy, merr një letër nga Michelle Rochon, 8 vjeçe, nga Marine City, në Michigan. Ajo në letër shprehej e shqetësuar për banorin më të famshëm të Polit të Veriut.
“Ju lutemi ndaloni rusët të bombardojnë Polin e Veriut. Ata do të vrasin Santa Clausin”.
Përgjigja e Kenedit, e shkurtër, por siguruese është ekspozuar në Bibliotekën dhe Muzeun Presidencial të John F. Kennedy në Boston.
"Mos u shqetëso për Santa Claus," shkruan presidenti më 28 tetor 1961. "Dje fola me të dhe ai është mirë. Ai do të bëjë përsëri udhëtimet e tij këtë Krishtlindje."
Kennedy shton në letër se ai ndau me rusët shqetësimin e tij për testin e Bashkimit Sovjetik.
"Jo vetëm për Polin e Veriut, jo vetëm për Santa Claus, por për njerëzit në të gjithë botën".
Michelle Rochon, tani e rritur, kurrë nuk nuk kishte menduar se letra e saj do të kishte shkaktuar një tronditje të tillë, siç ndodhi në atë kohë. "Unë thjesht u shqetësova për Santa Claus," i tha ajo ‘Boston Globe’.
Dy ditë pasi Kennedy shkruajti letrën e tij, më 30 tetor 1961 në ora 11:32 sovjetikët hodhën bombën ‘Tsar’ ose siç njihet ndryshe RDS-220, bomba më e fuqishme me hidrogjen. Bomba u testua në gjirin e Mitjušicha në ishullin e Novaja Zemlja, në veri të rrethit Arktik. Presioni i shpërthimit arriti një kulm gjashtë herë më të lartë se ai i Hiroshimës. ‘Kërpudha’, arriti deri në lartësi prej 64 kilometrash dhe rrufeja e çliruar u pa nga 1000 kilometra larg. Vala e tronditjes shkatërroi shtëpitë prej druri që ndodheshin deri qindra kilometra larg, deri në Finlandë.
Në deklaratat zyrtare që shkëmbyen Shtetet e Bashkuara dhe Bashkimin Sovjetik, askush nuk e përmendi më Santa Clausin.
Lajme të tjera
-
Krimi në familjen shqiptare në Massachusetts, flasin fqinjët: Në fillim dëgjuam ulërimat e gruas, më pas 6-7 të shtëna arme! Ishte e frikshme, s’i njihnim (VIDEO)
8 Nëntor, 17:23 -
Mariana Kondi nderohet me titullin ‘Albanian Excellence’ në Boston
4 Qershor, 08:47 -
VIDEO/ Në Boston këndohet dhe kërcehet shqip në prag të festave të nëntorit
26 Nëntor 2023, 18:52 -
Boston, i jepet lamtumira e fundit At Arthur Liolinit
8 Tetor 2023, 17:17 -
Të shtëna me armë në Boston, 7 të plagosur, arrestohen 2 persona
26 Gusht 2023, 20:30 -
Plastika gjermane ka arritur edhe në Arktik
12 Shkurt 2023, 14:30 -
Arkivi Kombëtar publikon dokumente në lidhje me vrasjen e ish-presidentit Kennedy
16 Dhjetor 2022, 21:02 -
Po përsëritet historia? Si kriza e raketave Kubane ‘përndjek’ Kremlinin dhe frika e Putinit nga tërheqja
17 Nëntor 2022, 08:08
-
Bostoni zgjedh gruan dhe aziatiko-amerikanen e parë si kryebashkiake
3 Nëntor 2021, 21:46 -
Administrata e Oqeanit dhe Atmosferës: Vera 2020, më e nxehta e regjistruar ndonjëherë në Hemisferën Veriore
15 Shtator 2020, 16:45 -
Shkrirja e akujve të Groenlandës do të transformojë planetin (por askush nuk e di se si)
22 Gusht 2020, 15:35 -
Katastrofa në Arktik...Putin shpall gjendjen e jashtëzakonshme pas derdhjes së 20,000 ton naftë
4 Qershor 2020, 17:05
