SHBA: Serbia të arrestojë
vrasësit e vëllezërve Bytyçi

SHBA- SHBA nxit autoritetet serbe të arrestojnë personat përgjegjës për vrasjen e tre vëllezervë shqiptarë me nenshtëtesi amerikane Agron,Ylli dhe Mehmet Bytyci.

“Ne presim që autoritetet serbe të sjellin para drejtësisë të gjithë individët të të gjitha niveleve të cilët janë përgjegjës për vdekjen e tyre. Ky mbetet një prioritet i lartë ne axhendën tonë bilateriale me Serbinë” është shprehur zëdhënësja e DASH Viktoria Nuland.

Gjykata e Lartë në Beograd liroi të mërkurën Sreten Popoviç dhe Milosh Stojanoviç të dy të dyshuar për vrasjen e vëllezërve Bytyci në fshatin Petrovo Selo në vitin 1999.

"SHBA mbetet thellësisht e shqetësuar që deri sot asnjë individ nuk është dënuar për vrasjen në vitin 1999 të vëllezërve Agron, Ylli dhe Mehmet Bytyci. Ata u ndaluan pa një proces të rregullt nga autoritetet serbe dhe u ekzekutuan pa asnjë vendim” thuhet ne reagimin e Departamentit Amerikan të Shtetit.

Tre vëllezërit Bytyvi u kapën nga serbët dhe u ekzekutuan pa gjyq në vitin 1999 në përpjekje për të shpëtuar jetën e një familje rome nga Kosova. Në 8 korrik të atij viti vëllezërit u cuan në një qendër policore serbe dhe një ditë më vonë u vranë nga forcat e policisë serbe.

Eshtrat e vëllezërve Bytyçi u gjendën në një varr masiv në Petrovo Selo në vitin 2001. Dhoma për krime lufte e Gjykatës së Lartë në Beograd shfajësoi të mërkurën dy të dyshuarit Sreten Popovicin dhe Millos Stojanovicin, nga akuzat se kanë ndihmuar në vrasjen e vëllezërve Bytyçi.
(ns/shqiptarja.com)