Ambasada amerikane në Tiranë ka uruar kreun e SPAK, Altin Dumani pasi u shpall kampion kundër korrupsionit për vitin 2024 ditën e djeshme (9 dhjetor).
Në reagimin e ambasadës në rrjetet sociale, thuhet se ky çmim nderon guximin dhe integritetin e palëkundur të kreut të Prokurorisë së Posaçme në ndjekjen e drejtësisë.
Më tej, theksohet se SHBA do të vazhdojë të punojë me SPAK dhe institucionet e tjera të drejtësisë.
“Ambasada e SHBA i shpreh urimet Altin Dumanit për vlerësimin me Çmimin për Kampionët Kundër Korrupsionit për vitin 2024 në vlerësim të përpjekjeve të jashtëzakonshme në luftën kundër korrupsionit. Ky çmim nderon vendosmërinë, guximin dhe integritetin tuaj të palëkundur në ndjekjen e drejtësisë në emër të popullit shqiptar. Puna juaj frymëzon të gjithë ata që besojnë në fuqinë e së vërtetës dhe llogaridhënies. Ambasada e SHBA do të vazhdojë të punojë me ju, me SPAK dhe me të gjithë institucionet e drejtësisë për të bërë realitet barazinë përpara ligjit për të gjithë qytetarët e Shqipërisë”, thuhet në reagim.
Kreu i SPAK Altin Dumani, u zgjodh në krye të këtij institucioni të drejtësisë, që u krijua me mbështetjen e Shetetve të Bashkuara, në dhjetor të vitit 2022.
Departamenti i Shtetit i SHBA ka theksuar rëndësinë e luftës kundër korrupsionit si një përparësi globale dhe kombëtare. Me miratimin e Konventës së OKB-së kundër Korrupsionit (UNCAC) dhe përkushtimin për transparencë dhe llogaridhënie, SHBA ka qenë lider në përpjekjet globale për qeverisje të mirë.
Në kuadër të Ditës Ndërkombëtare kundër Korrupsionit, janë njohur 10 kampionë globalë për përpjekjet e tyre të jashtëzakonshme në luftën kundër korrupsionit. Mes tyre është edhe Altin Dumani nga Shqipëria, krahas individëve nga Kolumbia, Nepali, Armenia, Libani, Gambia, Panamaja, Kazakistani, Uganda dhe Azerbajxhani. Këta individë kanë udhëhequr reformat dhe hetimet që synojnë një botë më të drejtë dhe transparente.
SHBA riafirmon angazhimin për të mbështetur heronj të tillë dhe për të përmbushur vizionin e një qeverisjeje të mirë, bazuar në integritet dhe transparencë, në bashkëpunim me partnerët ndërkombëtarë.
‘Korrupsioni gërryen qeverisjen demokratike, minon besimin në qeveri dhe pengon zhvillimin, prandaj Departamenti i Shtetit promovon integritetin, transparencën dhe llogaridhënien si përparësi të politikës së jashtme dhe interesa thelbësore të sigurisë kombëtare. Që nga miratimi i Konventës së OKB-së kundër Korrupsionit (UNCAC) dhe ratifikimi nga SHBA, Shtetet e Bashkuara kanë qenë lider në zbatimin e angazhimeve ndërkombëtare kundër korrupsionit.
Shtetet e Bashkuara themeluan Çmimin e Kampionëve kundër Korrupsionit në vitin 2021 për të vlerësuar individët që kanë ndërmarrë hapa të jashtëzakonshëm për të luftuar korrupsionin dhe për të shfaqur solidaritetin e SHBA me këta partnerë heroikë. Në Ditën Ndërkombëtare kundër Korrupsionit, ne njohim 10 kampionë kundër korrupsionit, të cilët kanë udhëhequr ose kanë mbrojtur reformat dhe hetimet që po sjellin një botë më të drejtë dhe transparente për bashkëqytetarët e tyre. I përgëzojmë të gjithë ata që luftojnë për llogaridhënie, sundim të ligjit, transparencë dhe liri të shtypit. Të vlerësuarit e këtij viti janë Jorge Mora Cortes nga Kolumbia, Matrika Dahal nga Nepali, Altin Dumani nga Shqipëria, Srbuhi Galyan nga Armenia, Carl Irani nga Libani, Marr Nyang nga Gambia, Javier Enrique Caraballo Salazar nga Panamaja, Didar Smagulov nga Kazakistani, Jimmy Spire Ssentongo nga Uganda dhe Sevinj Vagifgizi nga Azerbajxhani.
Ne jemi të nderuar të punojmë përkrah kampionëve si këta për të mposhtur korrupsionin. Ne do të vazhdojmë të punojmë me partnerët për të përmbushur vizionin e UNCAC dhe kornizave të tjera ndërkombëtare kundër korrupsionit dhe qeverisjes së mirë’, thuhet në deklaratën e DASH të shpërndarë edhe nga ambasada e SHBA-së në Tiranë.
Komente
Lajme të tjera
-
SHBA/ Gjykata e Lartë refuzon kërkesën e Trump për të ndalur dhënien e dënimit nga një gjykatë në Nju Jork
10 Janar, 08:16 -
Zef Brozi: A po e mbron SPAK Sali Berishën për Aktin Terrorist Shtetëror të 21 Janarit 2011?
10 Janar, 07:43
-
SHBA/ Gjykata e Lartë mund të mbyllë TikTok! Dy miliarderët duan të blejnë asetet amerikane të platformës, premtojnë forcimin e privatësisë dhe besimin e përdoruesve
10 Janar, 07:34 -
Spahiu: Votuesit e PD dhe PS nuk ndikohen nga akuzat që SPAK bën për liderët e tyre politikë
9 Janar, 22:21 -
Tiranë/ 69-vjeçari plagoset me mjet presës nga një 45-vjeçar, i moshuari goditi fillimisht me sende të forta
9 Janar, 22:05 -
‘Frontline’/ Elezi: Berisha patericë e Ramës, të dy sulmojnë SPAK! Kulluri: Prokuroria e Posaçme po kthen besimin te institucionet
9 Janar, 21:55 -
Zjarret në Kaliforni/ Investitori shqiptar me banim në Beverly Hills: Tension mes qytetarëve dhe shqetësim për përsëritjen e tyre
9 Janar, 21:38 -
Majko paralajmëron përballje të fortë elektorale me kreun e PD, ish-kryeministri: Arsyet përse Berisha më sulmon
9 Janar, 20:51 -
SPAK thirri vajzën e Berishës/ Juristi Kara: Karma po i kthehet mbrapsht! Argita 'non grata' e turpi i universitetit
9 Janar, 20:26 -
Ndërhynë në dosjet e ‘Toyota Yaris’, Suel Çelës dhe 6 të tjera, caktohet gjyqtarja për ish-kryeprokurorin e Vlorës Zarka dhe 3 bashkëpunëtorët
9 Janar, 19:57 -
Mero Baze: Përpjekjet e Berishës për të vënë 'në provë' Belind Këlliçin dhe të tjerët
9 Janar, 19:51
-
GJKKO dënon 2 gra për ushtrim të ndikimit të paligjshëm, por ua fal izolimin pas gjykimit të shkurtuar (EMRAT)
9 Janar, 19:42
Kryetari i SPAK i meriton të gjitha ato që thotë Ambasada USA, por ça thotë Sali Mortja që mos e zëntë Akshami, qëni Plak.
PërgjigjuLufta kunder Korrupsionit nuk mund ti mvishet asnje institucioni publik (aq me shume kur jane keto institucione qe jane burime te korrupsionit)...lufta kunder korrupsionit eshte nje veprim individual, i nje pershperime prej te pandergjegjshmes qe mpikset ne ndergjegje...
Përgjigju