Shefi i NATO-s: Kemi stërvitur ukrainasit që nga viti 2014! Ne do ta mbështesim Kievin deri në fund

Shefi i NATO-s: Kemi stërvitur ukrainasit që nga viti 2014! Ne do ta mbështesim Kievin deri në fund


 

Sekretari i Përgjithshëm i NATO-s, Jens Stoltenberg duke folur në Forumin Aspen-GMF në Bukuresht, që po zhvillohet në kryeqytetin rumun thotë se NATO ka stërvitur ushtarë ukrainas që nga viti 2014 në Yavoriv.

“Nuk filloi në shkurt të këtij viti. Në vitin 2014 në qendrën e trajnimit Yavoriv , e cila u bombardua nga rusët në fazat e hershme të luftës, pashë ushtrinë kanadeze dhe amerikane të trajnonin ushtrinë ukrainase. Dhe kjo është arsyeja pse, kur Rusia nisi pushtimin, trupat ukrainase ishin shumë më të trajnuara, të afta për të luftuar", u shpreh Stoltenberg.

Stoltenberg tha gjithashtu se NATO është vigjilente dhe se do të mbështesë Kievin deri në fund.

"Ne po takohemi në Bukuresht në një moment kritik për sigurinë tonë dhe mesazhi i sotëm është i qartë: NATO është këtu, NATO është vigjilente”, tha Stoltenberg në Bukuresht, në kongresin e Aspenit.

"Ne do ta mbështesim Ukrainën deri në fund, nuk do të tërhiqemi. Lufta e Putinit nuk na ka bërë të harrojmë partnerët e tjerë, si Gjeorgjia, Moldavia dhe Bosnje-Hercegovina. Të cilët ne do t'i mbështesim, në mënyrë që ata të mund të mbrohen," shtoi ai.


Lajmi kryesor:

Lufta, Kievi: 84 raketa ruse po hyjnë nga Deti i Zi në Mesdhe! Senati tërheq amendamentin që zgjati dërgesën e armëve në Kiev me një vit


S.C/Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet