TIRANË- Aksidenti te '21 dhjetori' dhe ai ku u përfshi aktori Gaz Paja kanë një emërues të përbashkët, shkeljen e rregullave të qarkullimit rrugor dhe ky fakt është evidentuar edhe nga Shefi i sigurisë rrugore në Policinë e Shtetit, Skënder Ismaili. Në studion e Report Tv, Ismaili tha se 85% e aksidenteve rrugore në Shqipëri janë pikërisht për shkak të mos respektimit të sinjalistikës nga ana e shoferëve, që ka sjellë për fat të keq 168 viktima nga janari deri tani.
"85% e ngjarjeve rrugore dhe atyre me pasoja kanë ardhur si rezultat i mosrespektimit të rregullave, sinjalistikës, parakalimet e gabuara. Nëse këta do kishin zbatuar rregullat, këto ngjarje mund të ishin ndaluar", tha Ismaili.
Një pjesë e fajtorëve janë padyshim edhe këmbësorët, të cilët duke e thënë në gjuhën e shifrave, 15% e aksidenteve janë shkaktarët kryesor, ku Ismaili vuri theksin se ato lëvizin në mënyrën më të gabuar në rrugë, pa marrë parasysh rrezikun që i kanoset. Ai tha se ka nisur edhe sistemi i gjobitjes së tyre, por një problem është dërgimi i gjobave në banesë, për shkak të sistemit jo të mirë të adresave dhe mosmbajtja me vete nga një pjesë qytetarëve të ID-së.
"15% e ngjarjeve rrugore kanë ndodhur për mosrespektim të rregullave, këmbësorët nuk e kanë fare idenë si qarkullohet në rrugë,kanë trotuaret, kanë kalimin e rrugës nga njëra anë në tjetrën, janë vendkalimet e këmbësore. Kemi pasur aksidente rrugore që kanë ndodhur mbi vendkalimet këmbësore, që nuk kanë respektuar detyrimet ndaj njëri tjetrit dhe këtu duhet të respektohen të gjithë. kaq shumë shkelje tregon se nuk respektohen rregullat e qarkulli, nga mjetet dhe nga këmbësorët. Ka filluar edhe ndëshkimi i qytetarëve, sepse është pak i vështirë për dërgimin e gjobës në adresa të duhura si rezultat i mos pasjes së një adrese të qartë, i qytetarëve nuk mbajnë me vete karta identiteti", tha Ismaili.
Aksidentet mund të parandalohen, por këtu rolin kryesor nuk duhet ta ketë vetëm Policia, por edhe vetë qytetarët, theksoi Shefi i sigurisë rrugore përballë gazetares Migena Sotiri. Fakti që ka shumë gjoba, tha si, nuk tregon qëllimin dashakeqës të efektivëve, siç shumë kanë kritikuar, por se shoferët kryejnë shumë shkelje.
"Policia ka përgjegjësitë e veta morale, 410 mijë shkelje përgjatë këtij viti të përdoruesit të rrugës, që nuk e kanë dhënë efektin e duhur, lë për të dëshiruar është mos zbatimi i rregullave.Ne nuk jemi në çdo rrugë, prezencë të policisë ka të shtuar, se gjithmonë sulmohet policia, qytetarët duhet të jenë të përgjegjshëm, ne jemi kritikuar se vëmë gjoba, por shkeljet janë të shumta,5600 veta të dehur në timon, 12 mijë parakalime të gabuara, 2300 raste që nuk respektojnë sinjalet rrugore", tha ai.
Kjo enjte ka regjistruar një bilanc tragjik me 2 viktima dhe 2 të plagosur. Aksidenti i parë u regjistrua mëngjesin e sotëm te kryqëzimi i '21 Dhjetorit' në Tiranë, ku humbën jetën dy persona, Luan Cenollari, 58 vjeç dhe 69-vjeçari Ali Bejo, e ndërsa më pas ishte aktori Gaz Paja i cili në rrugën “Ndre Mjeda” është përplasur me një makinë, duke marrë lëndime, por fatmirësisht pa pasoja të rënda.
Komente
Lajme të tjera
-
Eduard Zaloshnja: Megjithëse aksidentet rrugore u shtuan, vdekjet dhe plagosjet e rënda u pakësuan
29 Tetor, 07:13
-
Eduard Zaloshnja: Policia, prokuroritë e gjykatat duhet të jenë në sintoni të plotë kundër krimit!
21 Gusht, 10:28
-
Vendosen barrierat metalike në rrugën Zhymë-Krutje në Lushnjë, Braçe: S’do të jetë më ‘kthesa e vdekjes’
16 Gusht, 18:00 -
200 raste në ditë! Alkool e drogë në timon, të rinjtë ‘mbushin’ Traumën, mjeku: S’ka kthim pas në jetën normale
11 Qershor, 13:27
-
Aksidentet rrugore, eksperti: ‘Kamikazët’ t’i penalizojmë me heqje patente, masë urgjente
31 Maj, 13:32 -
Kujdes në rrugë! Policia ju vëzhgon: 28 mijë gjoba u vunë këtë javë, 34 shoferë u arrestuan
25 Maj, 14:02 -
Analizë: 13.6% më pak vdekje rrugore këtë 4-mujor (ose 30.5% më pak, nëse s’llogariten 10 vdekje që s’ishin realisht vdekje rrugore) (VIDEO)
1 Maj, 16:13
-
Aksidentet rrugore, eksperti: Të hiqen patentat, kamikazët në rrugë po na vrasin çdo ditë
30 Mars, 11:59 -
Aksidentet/ Më shumë ndodhin të premteve, më pak të martave! 45-59 vjeçarët janë shoferë problematikë
29 Mars, 17:29 -
Eduard Zaloshnja: Përdorimi i rripit të sigurisë të shpëton jo vetëm kuletën, por edhe jetën!
19 Mars, 15:47
-
Zaloshnja: Vazhdon ulja e ndjeshme e numrit të vdekjeve rrugore – plot 33.3% në dymujorin e parë
29 Shkurt, 09:00
-
Tre aksidente në Korçë! 15 vjeçari në timon, humb kontrollin e makinës dhe del nga rruga! Pasagjeri i mitur përfundon në spital
14 Janar, 16:16
Policia rrugore me te drejte ve gjoba ne makinet e ndaluare kondravajte, por shpejtesin nuk e kontollon dot makinat levizin me shpejtesi para policeve dhe nuk kontrollohet dot se eshte jashte loje nuk jane te zote te parandalojne rrezikun vetem kur behet aksidenti shkon ne vend ngjarje. Me qe bashkia e ka sinjalistiken gjobiteni bashkine per mungese sinjalistike me rrezikshmeri per aksidente. Ne BE nuk shikon polic rrugore si jane ketu dhe paguhen nga taksapaguesit
PërgjigjuSinjalistika eshte detyrim i Bashkise! Para se te bente korsite e biçikletave ( qellimi i fshehte i berjes se tyre eshte falimentimi i biznesit te vogel/dyqaneve ne favor te qendrave tregtare te oligarkeve) Erioni duhet te rregullonte sinjalistiken ne qytet! Policia duhet ndeshkoje te gjithe ata qe qarkullojne ne shkelje te sinjalistikes pa dallim nese jane shofere, kembesore app me biçikleta! Te fillojne nga mjetet e renda ( betonieret). Ka shume per te bere Bashkia dhe policia!
PërgjigjuNe rradhe te pare rregulloni semaforet kur hapet jeshilja per kembesoret njekohesisht drita jeshile ndizet edhe per kalimin e automjeteve qe duhet te ndizet pak me vone ne menyre qe te behet kalimi i kembesoreve ndersa per gjobat per kembesoret kundravajtes mos u justifikoni jo nuk gjenden adresat jo nuk kane karten ID veproni sic vepruat per mbajtjen e maskave duke i faturuar tek energjia elektrike ose tek faturat e ujit
PërgjigjuTrafiku rregullohet duke pasur sinjalistiken e duhur si ne BE qe qarkullojne miljona makina keni 30 vjet vetem te tilla fjalime degjojme o skender aksidentet do vazhdojne po nuk istaluat sinjalistiken e duhur kush thyen rregullat e qarkullimit te marre ate qe i takon
PërgjigjuPo ciklistet dhe motoristet si ecin ne rruge? Per me teper, megjithese kane korsine e bicikletave, perseri ecin neper trotuare, duke ja nxire jeten kembesoreve.
Përgjigju