Deputeti i Partisë Demokratike, Tritan Shehu ka denoncuar nëpërmjet një statusi në “Facebook” kushtet e Spitalit Universitar "Nënë Tereza" në Tiranë.

Shehu thekson pajisja që trajton të sëmurët me tumor, Akseleratori Linear është jashtë funksionit dhe autoritetet nuk kanë dhënë asnjë përgjigje se kur do zgjidhet defekti i tij. Sipas deputetit demokrat, mjekët iu thonë pacientëve, të cilët kanë nevojë të trajtohen me radioterapi, që të presin. "Ndërprerja qoftë edhe e përkohshme e këtij trajtimi, mund të jetë me pasoja të rënda për të sëmurët", shkruan Shehu.

Statusi i plotë i Shehut: 
"Nga QSUT vjen nje lajm shume shqetesues per te semuret tumorale qe trajtohen me radioterapi. Akseleratori Linear i vetëm që është aty nuk funksionon dhe askush nuk di se kur munud të zgjidhet difekti. Edhe pajisja e vjeter e kobaltit, qe normalisht ka indikacione shume te kufizuara tashme, ka probleme.

Ndërprerja qoftë edhe e përkohshme e këtij trajtimi, mund të jetë me pasoja të rënda për të sëmurët. Kjo eshte nje nga aresyet pse gjithmone akseleratoret lineare vendosen ne cift. Ndersa aty te semureve u thuhet te presin....!

Në këto kushte duhen vendime të shpejta nga drejtuesit e institucionit: 1-Te semuret duhen trajtuar nga akseleratori i neurologjise qe aktualisht punon, jo larg neurologjise. 2-Ose te trajtohen ne spitalin privat qe zoteron nje cift te tille akseleratoresh, me te gjitha shpenzimet te perballuara nga QSUT. Në rast të kundërt rrezikohet ecuria e këtyre pacientëve seriozisht, gjë që do të kërkojë përgjegjësitë", denoncon në Facebook, deputeti i PD, Tritan Shehu.  

MSH: Rivihet në punë të hënën
Pas këtij denoncimi të deputetit demokrat, Report Tv kontaktoi me Ministrinë e Shëndetësisë. Ky institucion pranoi problematikën që ka pasur pajisja Akseleratori Linear, për trajtimin e kancerit në QSUT, ndërsa u shpreh se do rivihet në punë ditën e hënë. 
tritan shehu
Redaksia Online
Xh.F/Shqiptarja.com