Shemben disa apartamente në Marsejë të Francës! Plagosen 5 persona, 10 të tjerë të mbetur nën rrënoja

Shemben disa apartamente në Marsejë të Francës! Plagosen 5 persona, 10 të tjerë të mbetur nën rrënoja

Ndërtesat e shembura në Marsejë

Disa apartamente janë shembur nga një shpërthim i fuqishëm në Marsejë të Francës, duke plagosur të paktën pesë persona, ndërsa autoritetet në qytetin francez thonë se deri në 10 të tjerë mund të jenë nën rrënojat.

Në momentin e shpërthimit rreth orës 12:40 të së dielës, qindra njerëz po vraponin mes rrugëve të zonës ku ndodhi shembja.

“Duhet të jemi të përgatitur që të kemi viktima në këtë tragjedi të tmerrshme,” u tha gazetarëve kryebashkiaku i Marsejës, Benoît Payan.

Ministri i Brendshëm, Gerald Darmanin, tha se kishte nga katër deri në 10 persona të bllokuar nën rrënoja.

"Ne nuk e dimë nëse ata janë gjallë apo të vdekur," u tha ai gazetarëve, duke shtuar se autoritetet nuk kishin zbuluar ende shkakun e "shpërthimit shumë të madh" që shkaktoi shembjen.

Pesë persona u plagosën në ndërtesat fqinje që u dëmtuan nga shembja dhe 33 u morën në kujdes nga punonjësit shëndetësorë. Ende nuk dihet numri i saktë i njerëzve që ndodheshin brenda bllokut të apartamenteve gjatë momentit të shpërthimit.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK