Kryeministri Rama ka kritikuar Bashkinë e Vlorës se dështoi të informojë disa biznese në Zvërnec që nuk do të preken nga operacionet e prishjes së ndërtimeve në bregdet, ku dy ditë më parë pati tensione me prishjen e disa prej tyre në atë zonë. Në një intervistë për një televizion lokal në Vlorë, Rama tha se ka munguar një komunikim efektiv dhe një zgjidhje e menjëhershme nga Bashkia e Vlorës me bizneset dhe për këtë është krijuar një keqkuptimi se ato struktura të lehta të ndërtuara në shumë vite do të prisheshin.
“Ne kemi pasur një takim, kjo është e vërtetë. Është e vërtetë që e kemi bërë në Zvërnec. Është e vërtetë që në atë zonë ka pasur një moment pakënaqësie të një sërë subjekteve që kanë investuar në infrastrukturë të lehtë, mikpritje për turistët ditorë, dhe si rezultat i një keqkuptimi është krijuar ideja që ato struktura të lehta të ndërtuara në shumë vite do të prisheshin. Ndërkohë që ka munguar një komunikim efektiv dhe një zgjidhje e menjëhershme nga Bashkia e Vlorës,” tha Rama.
Për këtë kryeministri Rama tha se zhvilloi një “debat konstruktiv të hapur dhe të drejtpërdrejtë , për të vënë pikat mbi i” me Dritan Lelin dhe hodhi poshtë se kishte pasur përplasje me Lelin siç u raportua në disa media pranë opozitës.
“Kemi pasur një debat, një debat konstruktiv për të vënë “pikat mbi i” lidhur me shumëçka që duhet përmirësuar, sepse ne asnjëherë nuk jemi të kënaqur, unë në radhë të parë asnjëherë nuk jam i kënaqur me punën time jo më me të tjerët, përfshi edhe Dritanin, për të cilin kam shumë respekt për shumëçka, por për të cilin ashtu si edhe shumë të tjerë, kërkoj edhe më tepër. Më vjen mirë që biseda u zhvillua në mënyrë të hapur, në mënyrë të drejtpërdrejtë, dhe kam shumë besim që si rezultat i atij debati dhe i konkluzioneve të arritura bashkarisht të gjithë do të përmirësojmë më tutje punën për këtë qytet dhe për Bashkinë e Vlorës, që ku patjetër është bërë një ndryshim i pamohueshëm nga askush,” tha kreu i qeverisë.
Ditën e djeshme rreth 40 biznese në Zvërnec janë planifikuar nga IKMT-ja për t'u shembur, teksa pronarët e tyre dolën kundër pasi shprehen se nuk janë njoftuar zyrtarisht. Bëhet fjalë për bare dhe restorante të cilin marrin leje shfrytëzimi çdo vit që nga 2011, por këtë vit ato nuk janë pajisur.
Kur sezoni veror ka filluar, me një situatë katrastrofike për operatorët për shkak të COVID, burokracia shtetërore shton pengesa të reja edhe përtej virusit. IKMT ka marrë urdhër të prishë gjithë baret dhe restorantet në bregdet (që shpesh janë thjesht kafe plazhi) që deri vitin e kaluar ishin pajisur me leje shfrytëzimi të përkohshme, por që këtë vit akoma nuk e kanë marrë dhe fadromat nuk presin as fundin e sezonit turistik. Ata kanë filluar operacionin shkatërrues prej disa javësh në gjithë zonat bregdetare. Kështu masakra ekonomike që ka filluar përpara tërmetit dhe pastaj COVID, plotësohet tani me fadromat e Shtetit.
Komente
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Shisnin fishekzjarrë pa leje në Vlorë, në hetim pronarët e 3 dyqaneve
23 Nëntor, 11:20 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32
Nuk ka patur Kryetar Bashkie më të paaftë ndonjëhere Vlora.Trup për ty Kryeministër që na i solle dhe fatkeqësi për ne vlonjatët që e zgjodhëm.
PërgjigjuKryeministër po do Vlorën Shkarko Lelin, nuk është për punë është vetëm arrogant, nuk i pret në zyrë hallexhinj pret vetëm të fortët,... Hiqe Lelin po do votë vitin tjetër..
PërgjigjuZoti Kryminister, Ju erdhi fundi i turpshem qe ne 2013 nuk e imgjinoja, aq e korruptuar, kriminale, butaforike ka qene qeverisja e PS nga 2013-2020 sa populli i deshperuar do votoj PD-LSI. Do votoj te njejtat figura te urryera qe i larguam me vote ne 2013, perse? Sepse ti je po aq i korruptuar sa edhe ata, por ndryshe prej tyre ti je me fals, dhe perceptohesh si me i pabese. Administrata ne Vlore dhe ne gjithe Shqiperine eshte e mbushur me kone te vogla korrupsioni rilindas. Na e pite gjakun o shushuja, o necrofiler...... Po iken gjithe ekselenca e vendit nga Shqiperia sepse ketu i keni bere vend vetes dhe anetarve te bandes tuaj PS.
PërgjigjuHiqe Lelin z.kryeminister se ka shume ankesa ne drejtim te tij. Nuk eshte njeriu i pershtatshem dhe i acaron me sjelljet e tij qytetaret e Vlores. Pra, demi ne menyre indirekte shkon ndaj teje edhe punes se PS ne Vlore.
PërgjigjuZhduke Lelin ,vlora ka nevoj per nje kryetar punetore dhe jo kryetar kukull,,ky eshte fatkeqesi per vloren ky punon vetem banditet,,,.
PërgjigjuHiq Lelin dhe co Cim Ramen kryetar bashkie dhe e ke lule Vloren
Përgjigjunga koiska ato po betonizohen
PërgjigjuNUK KA KOMUNIKIM ME ZAPTUESIT O RAMA,,,MERRINI MARE NGA VELIPOJA NE KSAMIL,,,,...
PërgjigjuPo jane thjesht bare dhe ndertesa me dru.. ata kane hedhur para, kane investuar dhe vijne ja heqin pa filluar mire sezoni. Cdo behar sapo fillon sezoni kete muhabet kane. Copa injorantesh qe vijne gjithe arrogance e nuk japin nje njoftim te pakten. Edhe atyre ne Velipoje kshu jua bene, eshte krim.