POP 5

Lajmet më të lexuara të 5 minutave të fundit

Kronikë

Tragjike në Shëngjin, vdes një tjetër punëtor ndërtimi! 50-vjeçarit i bie dërrasa në kokë! Zhduket personi që e çoi në urgjencë (EMRI+FOTO)

Një tjetër aksident në punë ka ndodhur në Lezhë në zonën e Kunës, ku ka humbur jetën një punëtor ndërtimi. Vetëm dy ditë pas vdekjes së të riut Emiliano Frroku, edhe një punëtor tjetër ndërtimi ka ndërruar jetë teksa po punonte në një pallat në ndërtim.

LEZHË- Një tjetër aksident në punë me pasoje vdekjen ndodhi këtë të shtune në Shëngjin. Ngjarja u regjistrua rreth orës 13 e 30 minuta ne zonën e Kunes, ndërsa viktimë mbeti Preng Gjoni rreth 50-vjeç.

Ai po punonte në kantierin e një pallati në zonën e Kunes në Shëngjin ku mori goditjen fatale në kokë nga një dërrasë që u shkëput nga objekti. Punëtori u transportua me makinë private në urgjencën e Spitalit të Lezhës pa shenja jete, ndërsa personat që e transportuan në spital u larguan duke humbur gjurmët.

Policia arriti brenda një kohe të shkurtër të gjejë vendin e ngjarjes, ku vendosi shiritin skenë krimi në objektin 3-katësh. Në kantier u gjetën dhe dy punëtorë të tjere që u shoqëruan për tu marrë në pyetje.

Nga të dhënat paraprake mësohet se viktima ishte i siguruar në kompaninë e ndërtimit “Kovaci Termo” në pronësi të Martin Kovaçit. Kjo kompani disponon lejen e ndërtimit, thanë burimet, por dyshohet se nuk zbatoheshin rregullat e sigurisë në punë.

Ky është aksidenti i dyti që ndodh në harkun kohor të dy ditëve Shëngjin.

Sipas njoftimit paraprak të policisë, janë shoqëruar dy persona në lidhje me këtë ngjarje.

'Rreth orës 13:30, gjatë punës në një objekt në ndërtim, shtetasit P. Gj., 50 vjeç, dyshohet se i ka rënë një dërrasë druri mbi kokë dhe për pasojë ai ka humbur jetën në spital. Grupi hetimor vijon punën për sqarimin e plotë të rrethanave dhe dokumentimin me prova ligjore të këtij rasti.

Ndërkohë janë shoqëruar në ambientet e Policisë për sqarimin e rrethanave të ngjarjes dy shtetas që ishin duke punuar në objektin ku humbi jetën 50 vjeçari.', thuhet në njoftimin paraprak të policisë.

Mëngjesin e së enjtes 28-vjeçari Emiljano Frroku humbi jetën teksa po punonte në katin e nëntë të një pallati në Shëngjin. Viktima ra nga lartësia, pasi ju shkëput vinçi që po e montonte, ndërsa pas hetimeve dhe verifikimeve të kryera rezultoi se 28 vjeçari punonte ne te zeze dhe dy katet e fundit te pallatit po bëheshin pa leje. Për ketë ngjarja policia shpalli në kërkim 3 persona dhe 1 tjetër po ndiqet penalisht në gjendje të lire.

Ekstrakt / Kompania "KOVACI TERMO"

Rendit zhvillimet sipas orarit:
Ora 17:39
FOTO/ Ky është Preng Gjoni, punëtori i ndërtimit që humbi jetën sot në Shëngjin

1715441883_prenggjonilezhe.jpg

Report Tv ka siguruar foton e 50-vjeçarit, Preng Gjoni, i cili teksa po punonte në kantierin e një pallati, në zonën e Kunes në Shëngjin, mori goditjen fatale në kokë nga një dërrasë që u shkëput nga objekti.

Punëtori u transportua me makinë private në urgjencën e Spitalit të Lezhës pa shenja jete, ndërsa personat që e transportuan në spital u larguan duke humbur gjurmët.

K.M/Shqiptarja.com

G.K/B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ilit: 11/05/2024 21:38

    duhet te vesh kasen ne koke...

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça