POP 5

Lajmet më të lexuara të 5 minutave të fundit

Kronikë

Shenjat e gishtave iu gjetën në pistoletë, djali i vogël i Pëllumb Metës: S’e vrava unë babanë, por Hygerta! I ndihmova të fshehin makinën  

Djali i vogël i Pëllumb Metës mohon të ketë lidhje me vrasjen e të atit. Pasi gjurmët e gishtërinjve u gjetën në armën me të cilën u vra Pëllumb Meta, ai thotë se babanë e ka vrarë Hygerta, ndërsa ai i ka ndihmuar vetëm të fshehin makinën.

DURRËS- Amarildo Meta, djali i vogël i Pëllumb Metës, ka mohuar para hetuesve të jetë ai autori i vrasjes. I pyetur pas daljes së akt-ekspertizës balistike të armës ku u gjetën shenjat e tij të gishtave. 19-vjeçari i ka qëndruar të njëjtës dëshmi që ka dhënë edhe më parë.

Ai ka pretenduar sërish para hetuesve se nuk e ka prekur pistoletën dhe nuk ka qëlluar vetë të atin. Si autore të vrasjes fajëson të motrën, Hygertën, e cila ka marrë përsipër edhe krimin.

Sipas tij, ai ka qenë në servis kur e motra Hygerta ka vrarë babanë dhe ngjarjen e ka marrë vesh pasi u kthye në shtëpi. Ai deklaron se për ngjarjen e rëndë vetëm ka ndihmuar të vëllanë Hysen Meta për të fshehur makinën e të atit, që u gjet në sektorin Rinia.

Pas daljes së ekspertizës, ku u gjetën edhe shenjat e gishtave të Amarildos në armë, prokuroria pritet të ndryshojë akuzat ndaj tij, i cili deri më sot hetohej vetëm për fshehje të kufomës. Ndërkohë, një ditë më parë e gjithë familja u testua në poligon, nga ku rezultoi se Hygerta ishte e aftë të qëllojë me armë. Ndërkohë, dy djemtë, Amarildo dhe Hyseni, si edhe nëna Blerina kanë refuzuar të kryejnë qitje me pretendimin se nuk dinë të përdorin armën.

49-vjeçari Pëllumb Meta u vra më 10 shkurt në banesën e tij në fshatin Shënavlash dhe 3 fëmijët e varrosën në kasolle, në tentativë për të fshehur kufomën. Ngjarja tronditëse u zbulua nga policia më 23 shkurt, pasi djali i madh e denoncoi të zhdukur.

Që prej arrestimit e deri më sot, 3 fëmijët kanë dhënë deklarata kontradiktore, ndaj po kryhen hetime intensive për zbardhjen e autorit kryesor. Sa i përket shkaqeve, dhuna në familje dhe fejesa me shkuesi e Hygertës mbeten pista kryesore. Nuk përjashtohet as konflikti për pronat. Nga hetimi pasuror rezulton se viktima kishte dy shtëpi dhe një sipërfaqe toke në zonën industriale të Durrësit.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53