POP 5

Lajmet më të lexuara të 5 minutave të fundit

Ekonomi

Sherr Berisha-Bode, “të
rriten pagat dhe pensionet”

Disa orë pas publikimit në gazetën Shqiptarja.com dhe disa media të tjera të njoftimit për anulimin e rritjes së pagave e pensioneve nga qeveria Berisha, kryeministri ka deklaruar në Facebook se do ta mbajë premtimin.
Sherr Berisha-Bode, “të<br />rriten pagat dhe pensionet”
TIRANE - Kryeministri në ikje Sali Berisha prapëson kreun e Financave, i cili kishte kërkuar shtyrjen për në shtator – kur të krijohet qeveria e re – të zbatimit të vendimit për rritje pagash e pensionesh. Një ditë pasi zyrtarë të ministrisë së Financave kishin konfirmuar për Shqiptarja.com dhe media të tjera anulimin, për këtë vit, të rritjes së parashikuar të pagave dhe pensioneve, duket se ka qenë një urdhër i kryeministrit në detyrë Sali Berisha që ka rikthyer gjithshka si më parë.

Në fillim, në një postim në rrjetin social “Facebook”, Berisha ka konfirmuar se premtimi i qeverisë, i bërë para zgjedhjeve parlamentare, për të rritur pagat dhe pensionet do të realizohet. Në postimin në rrjetin social ai shkruante: “Të dashur miq, rrogat dhe pensionet do rriten. Ne mbajmë premtimet! Sb”.

Postimi është bërë rreth mesditës, duke lënë të kuptohet se për disa orë ka patur debat midis tij dhe ministrit të Financave lidhur me mundësitë e gjetjes së fondeve për këtë rritje. Kjo konfirmohet nga bashkëpunëtorë të Bodes, sipas të cilëve specialistët e dikasterit kanë marrë urdhër që të hartojnë brenda ditës së martë draft-vendimin për rritjen e pagave dhe të pensioneve. Ky vendim pritet të miratohet sot në mbledhjen e rradhës së qeverisë.

Reagimi vjen pasi shumë media kishin pasqyruar lajmin konfidencial se rritja e premtuar e pagave nuk do të hynte në fuqi, duke cituar të njejtat burime nga ministria e Financave. Zyrtarë të ministrisë thanë të hënën se rritja e pagave dhe pensioneve do t’i lihej në dorë qeverisë së re, kur të marrë drejtimin në muajin shtator, me argumentin se nuk kanë tagër ligjor për të marrë vendime.

Në rang vendi numërohen rreth 90 mijë buxhetorë dhe 571 mijë pensionistë, kurse fatura për rritjen e pagave dhe pensioneve (sipas planit paraprak) ishte rreth 2.5 miliardë lekë.

Nga të njejta burime, mësohet se duhet të ketë patur një përplasje midis ministrit Bode dhe kreut aktual të Ekzekutivit Berisha, ku ky i fundit ka kërkuar me insistim që të vihet në zbatim rritja e premtuar, ndërkohë që kreu i Financave ka argumentuar se burimet për një gjë të tillë janë shteruar, si pasojë e të ardhurave shumë më të ulta nga planifikimi në pesë muajt e parë të vitit.

Faksimile e postimit të kryeministrit Sali Berisha në FB me logo
(Në foto: Faksimile e postimit të kryeministrit Sali Berisha në Facebook)

Por, pas urdhërit politik nga Berisha, ministria njoftoi zyrtarisht se Vendimi për rritjen e pagave dhe pensioneve do të hynte në fuqi duke filluar nga 15 korriku dhe jo më 1 korrik, siç parashikohej dhe do të ketë efekt prapaveprues. Sipas rregullit buxhetor dhe ligjeve në fuqi, rritja e pagave dhe pensioneve duhet të ndodhë, pavarësisht vullnetit politik apo pamundësisë financiare të qeverisë, në të paktën sa niveli i inflacionit, që mesatarisht është rreth 2.5 për qind.

Sipas projektvendimit, rritja llogaritej duke nisur nga 2 deri në 5 për qind, sipas kategorive, ku për nivelin e lartë të drejtuesve të shtetit nuk do të kishte shtesa, kurse përfitimin më të madh do ta kishin punonjësit me pagën më të ulët.

PARASHIKIMI NË DRAFT-VENDIMIN E KËSHILLIT TË MINISTRAVE PËR RRITJEN E PAGAVE DHE PENSIONEVE

PAGAT NË VLERË             ISHTE           BËHET

Paga minimale              21 mijë lekë    22 mijë lekë
Paga mesatare              51.3 mijë lekë  52.8 mijë lekë
Arsimi i mesëm             59.4 mijë lekë  61.2 mijë lekë
Arsimi 9-vjeçar            56.7 mijë lekë  58.4 mijë lekë
Paga mesatare mjekët       55.7 mijë lekë  57.9 mijë lekë
Paga mesatare infermierë   36.7 mijë lekë  38.1 mijë lekë
 
PAGA MESATARE PËR BUXHETORËT
 
Viti 2011                  48.000
Viti 2012                  51.300
Viti 2013                  52.800
 
PENSIONET NË VLERË         URBANE     RURALE

Viti 2011                  13.267     8.358
Viti 2012                  13.712     8.873
Viti 2013                  14.100     9.130

Shkrimi u botua sot në gazetën Shqiptarja.com (print) 03.07.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Durrës/ Në kërkim për armëmbajtje pa leje dhe shitje narkotikësh, arrestohet 41-vjeçari (EMRI)

Durrës/ Në kërkim për armëmbajtje pa leje dhe shitje narkotikësh, arrestohet 41-vjeçari (EMRI)

27 Nëntor, 12:41