Sherr i dhunshëm mes reperave
reagon Mozzik: S'jam zënë, u rrëzova

Një tjetër sherr ka ndodhur mes reperave të showbiz-it. Dy emrat e rinj të rep-it në Kosovë, Mozzik dhe Read, janë konfrontuar mes tyre. Burime të Telegrafit flasin për një histori të nisur që prej kohësh mes dy artistëve. 

Nga dëshmitarë të ngjarjes dhe persona të përfshirë në ngjarjen e djeshme kur artisti ferizajas u sulmua tregojnë se sulmi erdhi pas një shkrimi që Mozzik bëri në rrjetet sociale duke shkruar: “Don mu bo ganster veç pse të ka pëlqy filmi i Escobarit”, shkrim ky që sipas tyre ishte kunjë për videoklipin e ri që Riadi ka publikuar një ditë më parë.

“Mozzik ishte i shoqëruar me një person tjetër që si duket ishte Dj i tij dhe si ka zbritur nga vetura është sulmuar nga tre persona, të cilët e kanë shtrirë përtokë dhe kanë tentuar ta therrin me thikë, reperi ka mbetur i shtrirë ndërsa sulmuesit kanë ikur”, thotë për Telegrafin një dëshmitar i ngjarjes që nga tre personat ka mundur të dallojë vetëm reperin Read.

Mësohet se konflikti mes dy artistëve të rinjë ka kohë që ka nisur kishte kaluar edhe në armiqësi mes fansave të tyre, e gjithë kjo pasi Mozzik dhe Read kishin filluar të sulmonin njëri-tjetrin në këngë.

Megjithatë vetë Mozzik i ka përgënjeshtruar lajmet e publikuara në media nëpërmjet një fotoje të publikuar në Instagram, ku shfaqet me dorën e vrarë. Nën foton që tani rezulton e fshirë, reperi 18-vjeçar kishte shpjeguar se ishte rrëzuar në akull dhe nuk i kishtë ndodhur asgjë tjetër. Nuk e dimë si qëndron puna mes dy reperëve por shpresojmë të zgjidhet çdo konflikt mes tyre.


Redaksia Online
(m.p/shqiptarja.com)