Ka përfunduar në një sherr masiv dhe kaos ditëlindja e një vajze të re e cila kishte postuar ftesën për ditëlindje gabimisht në rrjetin facebook mijëra njerëzve. Turma e të rinjve pjesëmarrës u përfshi në kaos për shpërndarjen e të cilëve u kërkua ndërhyrja e policisë.

Ngjarja e pazakontë ndodhi në qytetin verior Haren në Holandë. Raportimet nga vendgjarja thonë se të rinjtë vandalizuan dhe plackiten dyqanet e zonës, një makinë iu vu zjarri, kurse policia ndërhryri me shkopinj gome.

6 të plagosur pati nga përleshjet, tre nga të cilët në gjendje të rëndë.Mediat holandeze thonë se vajza e re postoi ftesën për festë gabimisht mbi 30 mijë vetëve.

Të paktën 3000 mijë vetë u mblodhën për të festuar në qytetin me 18 mijë banorë. Qyteti po përgatitej për këtë ngjarje përgjatë gjithë javës. Policia bllokoi rrugën që të con në shtëpinë e vajzës, ndërkohë që zhvendosi të renë dhe familjen e saj nga shtëpia ku jetonte.