POP 5

Lajmet më të lexuara të 5 minutave të fundit

Kronikë

Sherr për shitjen e qirinjve në Kishën e Laçit, rojet private përplasen me tregtarët ambulantë! Përgjegjësi i sigurisë: Te ndërhyje shteti, mund të shkohet në vetëgjyqësi

Policia private ka denoncuar për dhunë fizike shitësit ambulantë që ushtrojnë aktivitetin e paligjshëm në territorin e Kishës së Shna Ndout në Laç. Denoncimi është bere nga përgjegjësi i rojeve private, Gjon Shkëmbi në Drejtorinë e Policisë së Lezhës, që ka në juridiksion dhe Laçin.

Prania e tregtareve ambulantë përreth kishës së Shna Ndout në Laç është kthyer në burim konflikti mes tyre dhe rojeve të sigurisë së kishës. Në zbatim të urdhrit të kishës, policia private po ndërhyn në largimin e ambulanteve, por është ndeshur me rezistencën e këtyre të fundit. Tregtarët dhe rojet e sigurisë janë përplasur me njëri tjetrin e për pasojë, janë lënduar 5 persona pak ditë më parë mes të cilëve një punonjës sigurie i cili është dërguar për ndihmë mjekësore në spitalin e Traumës në Tiranë. Denoncimi është bërë nga përgjegjësi i sigurisë private të kishës Gjon Shkëmbi, sipas të cili nuk po gjejnë mbështetjen e policisë së shtetit dhe private për të liruar hapësirat që janë pronësi të kishës.

“Kemi njoftuar disa herë policinë që të na mbështesin dhe nuk ndërhyn as policia bashkiake dhe as policia e shtetit. Kemi pasur edhe konflikte fizike, kanë dëmtuar edhe makinat. Nëse nuk ndërhyhet edhe më keq do të bëhet”, ka thënë për mediat Gjon Shkëmbi.

Përgjegjësi i sigurisë së kishës së Shna Ndout, kërcënon me vetëgjyqësi nëse nuk do të ketë ndërhyrje nga institucionet shtetërore për largimin e tregtarëve ambulantë që sipas tij veprojnë në mënyre të paligjshme.

Në lidhje me përplasjen verbale të ndodhur pak ditë më parë, Drejtoria Vendore e Policisë në Lezhë bën me dije se janë kryer të gjitha veprimet dhe materialet hetimore në lidhje me rastin janë referuar në prokurori

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 24/05/2023 00:35

    Shefi i sigurise kercenon me vetegjyqesi?! Zoteria ka harruar qe nuk mund te veprosh me kete mendesi kur punon per shtetin,privatin dhe per subjektet fetare.Duket qe ne kete rast kemi disa probleme,tregetaret perdorin sip.rreth kishes per te nxjerre fitim nga qirinjte dhe nga ana tjeter rivalizojne dhe vete kishen qe besoj se prodhon e shet qirinjte e vet.Ka dy mundesi:1-tregetaret te largohen prej aty dhe t'i shesin qirinjte diku tjeter,ose 2-te vazhdojne te shesin aty,por t'i paguajne kishes cfare i takon per shfrytezim ambienti.

    Përgjigju
  • Agjenti: 23/05/2023 13:09

    Kafsha kafshe ngelet dhe sikur ne shtepi te Zotit te jetoje.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05