Sherri me Bushatin, Koka: Mora
sms e telefonata nga politikanët

TIRANË-Ka bërë bujë lajmi i një dite më parë ku Leonard Koka, vëllai i ministrit të Mjedisit, Lefter Koka ka debatuar në aplikacionin WhatsApp me ministrin e Jashtëm, Ditmir Bushati.

Sherri u bë publik ku të gjithë patën mundësinë të lexonin fjalët që njëri i ka thënë tjetrit.

Nga Durrësi, një ditë pasi biseda në aplikacionin WhatsApp u bë publike, reagon për Shqiptarja.com biznesmeni Leonard Koka.

Vëllai i ministrit Lefter Koka sqaron se përse i shkruajti me atë gjuhë ministrit Ditmir Bushati. Sipas tij, Bushati ka përfolur në Itali ish-konsullen shqiptare, një vajzë durrsake shumë të nderuar.
“Para disa muajve Bushati shkarkoi nga detyra e konsulles një vajzë nga Durrësi të cilën e njoh. Ajo tashmë ka kohë që është larguar nga detyra, por  ai (Bushati) vazhdon ta përflasë. Dje Bushati ishte në Milano dhe kishte zhvilluar një mbledhje me stafin e ambasadës dhe konsullatës dhe përsëri ishte marrë me ish-Konsullen duke thënë se; ajo ka martuar një prostitute 4 herë dhe gjëra të tjera. Ndaj unë i shkrova mesazhin e parë”, u shpreh Koka duke shtuar se, “ai mendon se unë jam diplomat dhe më dha përgjigje në vend që të heshte dhe të mos përgjigjej dhe mori mesazhin tjetër me të sharë të rëndë”.

Koka thekson se është habitur ditën e sotme kur u zgjua nga gjumi me mesazhet që i kishin ardhur në telefon.
“Kur u zgjova nga gjumi lexova dhjetra mesazhe dhe pashë thirrje telefonike nga politikanë të lartë, por nuk u jam përgjigjur. Shumica me përgëzonin, me thanë; Bravo!”.

Bushati
Për këtë konflikt, Shqiptarja.com ka kontaktuar edhe me ministrin e Punëve të Jashtme, Ditmir Bushati. Gjatë orëve të para të mëngjesit kur mbahej seanca parlamentare maratonë mbi buxhetin, interesimit tonë, Bushati i është përgjigjur me një buzëqeshje.

Ky ishte ‘reagimi’ i vetëm i ministrit Bushati mbi përplasjen me Kokën mbi emërimet në diplomacinë shqiptare. Leonard Koka ka pranuar se SMS-të janë autentike.

Ja biseda në WhatsAapp e siguruar nga Shqiptarja qe beri jehone ne portale



(Ditmir Bushati ne nje moment dje nga seanca e parlamentit)


(d.b/Shqiptarja.com)