TIRANE- Nga sherri i nisur mes dy vëllezërve, për çështje pronësie në Roskovec të Fierit, i plagosur ka mbetur vjehrri i njërit prej tyre. Ka qenë 54 vjeçari Sh. Hatillari, banues në Roskvec, i cili ka goditur me sende të forta në kokë 63­ vjeçarin me iniciale G.H., banues në fshatin Goran të Korçës. I dëmtuari është dërguar menjëherë në spital, ku ka marrë dëmtime të shumta në kokë, e në pjesë të tjera të trupit. 63-vjeçari kishte shkuar në Fier për vizitë tek vajza e dhëndëri i tij dhe në tentativë për të qetësuar sherrin që po ndodhte në banesë, mbeti vetë i plagosur.