Një ditë pas inaugurimit të Sheshit "Skënderbej", kryetari i PD, Lulzim Basha, në cilësinë e ish-kryetarit të Bashkisë së Tiranës, flet për kostot e spektaklit që kishte organizuar Bashkia.

Gjatë një takimi me mbështetësit e PD në Libofshë, Basha zbuloi edhe një shifër stratosferike të shpenzuar nga bashkia e Tiranës.

Ai akuzoi kryebashkiakun Erion Veliaj se  ka shpenzuar 400 mijë euro për fishekzjarret e hedhura gjatë ceremonisë së inaugurimit të veprës më të rëndësishme të kryeqytetit, sheshit qendror. 

“Shfaqja e djeshme me fishekzjarre ka kushtuar midis 200 dhe 400 mije euro, sipas ekspertëve”, u shpreh Lulzim Basha.

Redaksia Online
l.q/Shqiptarja.com