Dashura është të kuptosh tjetrin, të përshtatesh me të edhe të arrish, që të mbash një balancë mes dëshirave që ke përditë edhe njeriut që do... Për këtë, për herë të parë në gjuhën shqipe ngjitet në skenën e ArTurbinës shfaqja “Këmbëzbathur në park” nga Neil Simon me regji nga Lorin Terezi. “Këmbëzbathur në Park” ka në qendër jetën e një çifti të sapomartuar. Ata janë, Kori dhe Pol, të cilët edhe pse janë të ndryshëm në karakter, duhet që të përshtaten mes njëri-tjetrit. Hera-herës edhe të heqin dorë nga ëndrrat që kanë pasur. Artisti Lorin Terezi shpjegon konceptin regjisorial të shfaqjes
“Më shumë sesa një problem social, ne nuk trajtojmë ndarjet, por edhe anën poetike ku në një moshë të re, pritshmëria për jetën është shumë e lartë. Jeta ka vështirësi shumë të madha, është shumë larg realitetit, që t’i ke ndërtuar në kokën tënde, ëndrrave që ke” tha regjisori Lorin Terezi. Në këtë shfaqje vjen ëmbël edhe pjesa e ndërthurjes, mes brezave. Aktorja Ermira Gjata kësaj here u është bashkuar artistëve të rinj. Ajo shpjegon se cili është çelësi për të shpëtuar një marrëdhënie në çift.
“Unë do të thoja, që pjesa është interesante se është një çift, që nuk kanë të njëjtin karakter. Njëri logjikon ndryshe, ndërsa vajza është më instiktive. Ajo ka një problem. Çfarë fluturon hahet për atë. Është shumë optimiste, i pëlqen jeta edhe çdo gjë e sheh shumë të bukur. Kur ndeshet për herë të parë me hallet, fillojnë problemet vërtet të forta. Nis konflikti i çiftit. Ndërsa, djali është shumë logjik edhe i matur. Pikërisht kjo krijojnë konflikte, ndërsa ajo që e shpëton është në bazë dashuria. Ndonjëherë ne mund të bëhemi grindës me njëri-tjetrin, por ajo që e shpëton përherë një marrëdhënie është dashuria” deklaroi aktorja Ermira Gjata.
Ndërsa, dy protagonistët e kësaj shfaqje shpjegojnë më shumë për rolet që do të luajnë. “Personazhi im, ka në qendër njeriun e përsosur, që i bën ballë jetës, e ka çdo gjë të programuar edhe asgjë nuk del nga kuadri i të përditshmes, ndërsa partnerja i sjell surprizat. Ky është një avokat shumë profesionit. Është një inkubator në jetën e përditshme të një amerikani të devotshëm, që në këtë formë lind edhe në këtë formë do të vdesë. Janë si një pazëll me njëri-tjetrin, plotësojnë njëri-tjetrin” tha Ledion Zoi.
“Mua më mbetet që të them për balancën, që një çift që duhet të mbajnë. Në fund këto karaktere zbulojnë se duhet mbajt një balancë, dikush duhet që të heq dorë nga një gjë që e ka përemër edhe tjetri duhet që të bëj të njëjtën gjë. Kori e përcakton dashurinë si diçka që është jashtë monotonisë” theksoi Anila Balla. Shfaqja duke nisur nga data 1 dhjetor do të ngjitet në skenën e ArTurbinës dy javë radhazi.
Lajme të tjera
-
Nis festivali ‘Hapat’, Gjergj Prevazi e regjisorët nderojnë Mirush Kabashin! 2 shfaqje në ditë, të dielën vlerësohen projektet më të mira
5 Dhjetor 2023, 17:15 -
Bëhuni gati, pas suksesit në rajon, rikthehet 'Shtëpiakë të dëshpëruar'! Imami, Çobani e Zenelaj me batuta që ‘mbërthejnë’ publikun
17 Qershor 2023, 13:10 -
Altin Basha sjell në teatër muzikalin e njohur ‘Jesus Christ Superstar’! Mes publikut edhe Yuri Kim, 'Krishti i kryqëzuar' flet shqip
6 Janar 2023, 16:07
-
SPECIALE/ Në s(provën) e shfaqjes 'Përvjetori i ditëlindjes', Bitraku 'thyen' kanonet e teatrit e ngjit 100 spektatorë në skenë, Halilaj përballë Malajt në një lojë komplekse
28 Maj 2022, 21:56
-
9 rrëfime për 8 marsin, Margarita Xhepa: Gruaja është e shenjtë, nuk mund të vritet
9 Mars 2022, 16:37
-
Ish-deputetja performon në teatër kundër vrasjes së grave, Arta Dade: Politika ka ende shumë punë për të bërë, po të isha brenda do të jepja ndihmesën time
9 Mars 2022, 16:32
-
Teatri Kombëtar anulon tre shfaqje, qytetarët debat me drejtorin: S’keni dublantë! Çuli: Kemi vetëm 28 aktorë
11 Nëntor 2021, 16:26 -
20 milionë lekë humbje, Hervin Çuli kallëzim në prokurori për pajisjet e Teatrit Kombëtar!
26 Qershor 2020, 14:24
-
Materialet e Teatrit Kombëtar po inventarizohen, të Eksperimentalit dërgohen te ArtTurbina
18 Maj 2020, 11:29
