POP 5

Lajmet më të lexuara të 5 minutave të fundit

Kultura

Shfaqja ‘Nuk doja të vdisja e virgjër’ zbret në Lezhë! Monodrama 60 minutëshe u prit me interes nga qytetarët

Për publikun lezhjan, u vu në skenë këtë fundjavë monodrama “Nuk doja të vdisja e virgjër”. Shfaqja e bazuar në librin e shkrimtares italiane me aftësi të kufizuara Barbara Garlaschelli, rrëfen dimensionet e ndjesive të njeriut.

Monodrama "Nuk doja të vdisja e virgjër", zbriti këtë fundjavë në Lezhë. Shfaqja teatrale e bazuar në librin e shkruar nga shkrimtarja italiane me aftësi të kufizuara Barbara Garlaschelli, u vu në skenën e qendrës kulturore të fëmijëve nga regjisori Gjergj Meta, me aktor Ina Gjonçin dhe katër të rinj.

Kjo monodramë synon të jetë një rrëfim i kthjellët, i thjeshtë, pa klithma, që hedh dritë më shumë mbi ngjashmëritë sesa mbi dallimet, më shumë mbi emëruesin e përbashkët që është “njeriu” dhe ndjesitë e tij, që nuk kanë kufizim. Virgjëria këtu nuk është vetëm në konceptin fizik por në shumë dimensione, që të mos vdesësh e virgjër, e paprekur nga jeta thotë regjisori i shfaqjes Gjergj Mena.

 “Kjo shfaqje flet për njeriun. Koncepti “nuk dua të vdes i virgjër” është për jetën për të drejtat, jo vetëm të njerëzve me aftësi të kufizuara, por të çdo njeriu që ka të drejtën e tij për të shijuar dhe eksploruar çdo gjë nga jeta, pa patur pengesa dhe hezitime për ta bërë këtë gjë”, tha Gjergj Mena, regjisor.

Shfaqja teatrale "Nuk doja të vdisja e virgjër", zgjati për rreth 60 minuta, ndërsa u prit me shumë interes nga publiku lezhjan.

M.T/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

'Daily Mail': Shqipëria, perla e fshehur që premton bukurinë e një lokacioni pa turma vizitorësh

'Daily Mail': Shqipëria, perla e fshehur që premton bukurinë e një lokacioni pa turma vizitorësh

27 Prill, 08:31