POP 5

Lajmet më të lexuara të 5 minutave të fundit

Kronikë

Shfrytëzimi pa kriter i inerteve po shemb urën mbi lumin Fan, rrezik për jetët e banorëve! Kamionët në Rrugën e Kombit po shkaktojnë aksidente

Shfrytëzimi pa kriter i shtretërve të lumenjve jo vetëm krijon një dëm të madh mjedisor por rrezikon dhe infrastrukturën rrugore, e për pasojë jetën e njerëzve. Ura mbi Lumin Fan në qytetin e Rubikut, rrezikon seriozisht shembjen, ndaj banorët kërkojnë të merren masa nga institucionet.

Shfrytëzimi pa kriter i inerteve ka dëmtuar këmbët e urës së Rubikut mbi lumin Fan e cila i shërben qytetit dhe fshatrave përreth për tu lidhur me Rrugën e Kombit.

E ndërtuar në vitin 1987, këmbët e urës automobilistike kanë dalë në sipërfaqe dhe janë anuar, ç'ka ka ngritur alarmin e banorëve të zonës.

 “Siç e shihni dhe vetë, kjo ka disa vite që është në gjendje të degraduar. Kjo ka ardhur nga shfrytëzimi pa kriter i lumit. Kjo urë duhet të ri konstruktohet menjëherë. Ka rrezik”, tha një banor.

“Ura e Rubikut është aq problem, sa boll jemi në vështirësi, nëse do të shembet dhe kjo urë do të duhet të arratisemi nga këto. Frikë kam të kalojë.”, u shpreh një prej banorëve.

I kontaktuar në telefon nga Report TV, drejtuesi i IKMT në Lezhë, Flori Gjini tha se "ne basenet e lumit Fan dhe Mat kane leje shfrytëzimi për inerte 3 subjekte, përkatësisht Bardh Construction", "Salillari shpk" dhe A.N.K Construcsion".

"Është përgjegjësi e Agjencisë së Menaxhimit të Burimeve Ujore të kontrollojë zbatueshmërinë e kritereve nga këto kompani. Ndërsa për subjektet që nuk kanë leje shfrytëzimi dhe marrin inerte në mënyre te paligjshme janë vendosur 4 masa administrative e janë çuar  për ndjekje penale", tha Gjini.

Një tjetër problematikë janë kamionët të cilët dalin në rrugë me inerte pa pastruar gomat, duke u bërë shkak për aksidente sidomos në segmentin Rubik-Rrëshen.

Institucione si Policia e Shtetit, Inspektorati i Mbrojtjes së Territorit, Inspektorati i Mjedisit dhe Agjencia e Menaxhimit të Burimeve Ujore duhet të marrin masa të menjëhershme për të kontrolluar shfrytëzimin e basenit të lumenjve dhe lëvizjen e kamionëve në rrugën nacionale.

Rendit zhvillimet sipas orarit:
Ora 12:52
Inertet 'mbulojnë' Rrugën e Kombit, hidhen nga mjetet që marrin zhavorr në lum, kthehen në burim aksidentesh

 

3 persona mbeten të lënduar pas përplasjes së dy automjeteve në rrugën e Kombit. Aksidenti ndodhi pasditen e së enjtes, në afërsi të Rubikut, por fatmirësisht 3 personat morën lëndime te lehta. Shkak për aksidentin u bë pranie e zhavorrit dhe baltës në rrugë që derdhet nga mjetet e tonazhit të rëndë që marrin inerte në Lumin Fan. Kjo situatë është e vazhdueshme dhe prani inertesh ka në një gjatësi të konsiderueshme të këtij segmenti rrugor, duke u kthyer në burim aksidentesh. Mjetet e kompanive të ndryshme punojnë pa u shqetësuar nga askush, duke ndotur Rrugën e Kombit. Në këto kushte lëvizja e drejtuesve të automjeteve në këtë segment është mjaft e frikshme dhe e rrezikshme.

K.T./Shqiptarja.com

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sula: 29/04/2022 12:56

    Te GJOBITET SALILLARI.....

    Përgjigju
  • fran: 29/04/2022 12:52

    O Zot a ka shtet, po pushtet lokal po shkaterohen te gjitha urat, ku i keni syte apo po vidhni vet....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24