Shifra të larta me COVID/ Institucionet neglizhojnë masat, tunelet e dezinfektimit s'funksionojnë! Qytetarët indiferentë ndaj rrezikut (VIDEO)

TIRANË- Në një kohë kur numri i të infektuarve ka arritur në shifra rekord, duket se qytetarët dhe institucionet nuk janë aspak të ndërgjegjësuar për të respektuar masat.

Report Tv me gazetarin e Report Tv, Arsen Rusta është zhvendosur në ambientet e GJKKO në Tiranë. Pamjet janë me të vërtetë shqetësuese. Qytetarët të grumbulluar, në duke mos respektuar distancën. Ajo që është më alarmante është se vetë institucionet janë në shkelje të masave, kjo pasi tuneli i dezinfektimit është vetëm "për bukuri", pasi nuk punon. Kjo gjë u pasqyrua 'live' edhe nga Report Tv.

Tuneli që nuk funksionon në GJKKO

Edhe maska, një mjet i domosdoshëm në mbrojtjen ndaj COVID, shërben më tepër si aksesor, pasi pjesa më e madhe e qytetarëve e mban te pjesa e mjekrës. Ka edhe nga ata që nuk e kanë vendosur fare. Report TV u ndalë edhe në hyrjen të Drejtorisë së Policisë Tiranës ku as aty tuneli dezinfektimit nuk funksion.

Theksojmë se në ndryshim nga fillimi i pandemisë, në institucion nuk është një person i cili bën thirrje qytetarëve që të respektojnë masat, por janë lënë krejtësisht të lirë në shkelje të çdo rregulli të mundshëm. Neglizhenca e institucioneve për të vënë rregull, por edhe indiferentizmi i qytetarëve, po shndërrohet në një rrezik shumë serioz, ku çdo ditë e më shumë po reflektohen në bilance të rënduara. Vendi ynë ka njohur shifra shumë të larta me COVID, ku kulmi ka arritur në muajin shkurt. Ditën e djeshme, janë regjistruar 21 humbje jete dhe 952 raste të reja me COVID.

1614596037_c06d999cbaa54994b45744050c35fcb3.jpg

Foto e shkrepur sot nga Dhoma Penale e Tiranës

B.K./b.ha./Shqiptarja.com
  • Sondazhi i ditës:

    7 dite para zgjedhjeve, a ju janë ofruar para ose favore në këmbim të votës?

Komento


×

Lajmi i fundit

John

’Pa Gjurmë’/ Zhdukja e Bleona Matës reagon nëna e Begzim Isës: Vajzën nuk e rrëmbeu im bir, por gjejeni…