Numri i vitkimave ditore nga COVID vijon të jetë i lartë në vendin tonë. Gjatë 24 orëve të fundit ministria e Shëndetësisë raporton se janë shënuar 16 humbje jete nga COVID.
Në 24 orët e fundit, kanë humbur jetën 16 qytetarë në spitalet COVID, nga këto 6 janë nga Tirana, 3 nga Fieri, 2 nga Berati, 1 nga Shkodra, 1 nga Lezha, 1 nga Gjirokastra, 1 nga Kuçova, 1 nga Përmeti, të cilët janë të moshave 49 vjeç deri në 86 vjeç. Fatkeqësisht ka humbur betejën me COVID edhe mjeku okulist, Ferdinand Shkrepa 68-vjeç.
Në 24 orët e fundit kanë rezultuar pozitivë 545 qytetarë. Vihet re një ulje e numrit të infektimeve krahasuar me një ditë më parë ku u shënuan 645 raste pozitive dhe 18 viktima.
Rastet pozitive të konfirmuara në 24 orët e fundit sot, janë identifikuar në këto bashki si më poshtë:
159 raste në Tiranë, 40 në Vlorë, 37 në Kavajë, 36 në Shkodër, 32 në Lushnje, 26 në Durrës, 20 në Berat, nga 19 raste në Sarandë, Elbasan, 17 në Fier, nga 14 raste në Kurbin, Pogradec, 13 në Tepelenë, 12 në Mirditë, 9 në Gjirokastër, nga 8 raste në Pukë, Tropojë, Peqin, Kolonjë, nga 7 raste në Kukës, Librazhd, 6 në Gramsh, nga 4 raste Dibër, Malësi e Madhe, nga 3 raste në Krujë, Korçë, Has, Përmet, Delvinë, 2 në Devoll, 1 në Bulqizë.
Ndërkaq janë shëruar 397 qytetarë, duke e çuar numrin e të shëruarve 18.152 që nga fillimi i epidemisë. Aktualisht në 3 spitalet COVID, po trajtohen 471 pacientë, 27 në terapi intensive, 9 pacientë janë të intubuar.
"Ministria e Shëndetësisë dhe Mbrojtjes Sociale ju bën apel qytetarëve që të shmangin kontaktet jashtë rrethit familjar dhe çdo lloj grumbullimi, për të kufizuar përhapjen e COVID19. Respektoni rregullat e higjienës, maska duhet të mbahet në çdo ambient jashtë shtëpisë dhe distancimi social është gjithashtu masë e donosdoshme për të frenuar përhapjen e epidemisë. Ju informojmë për situatën e covid19 në 24 orët e fundit në vend. Janë kryer 2.026 testime, prej të cilave 610 janë testime janë kryer për arsye depistimi.
MShMS u drejtohet qytetarëve të mos neglizhojnë kontaktin me mjekun e familjes, për çdo shenjë të sëmundjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm edhe për rimbursimin e barnave për COVID19. Urgjenca Kombëtare është 24/7 në shërbim 24/7. Telefononi 127 nëse dyshoni se jeni të prekur nga Covid19 dhe për çdo urgjencë mjekësore", thotë ministria.
COVID-19 – Statistika (28 Nëntor 2020)
Raste të reja ditore 545
Të shëruar ne 24 orë 397
Të shtruar në spitale 471
Humbje jete në 24 orë 16
Testime ditore 2.026
Testime totale 186.243
Raste pozitive 36.790
Raste të shëruara 18.152
Raste Aktive 17.851
Humbje jete 787
Shpërndarja gjeografike e rasteve aktive sipas qarqeve:
Tiranë 9145
Fier 1342
Durrës 1320
Korçë 989
Vlorë 890
Shkodër 872
Elbasan 840
Lezhë 741
Berat 566
Gjirokaster 547
Kukës 405
Dibër 194
Sot janë konfirmuar 40 raste pozitive me COVID në Vlorë.
Mes 40 të infektuarve kemi një jurist përmbarimi publik, një sekretar pranë gjykatës se Apelit në Vlorë.
2 të tjerë janë kujdestare pranë Shtëpisë së Fëmijes në Vlorë. Të infektuar janë edhe 6 mësues mes të cilëve 2 janë dy shkolla fshati. Një edukatore në kopsht dhe çerdhe. Në sektorin privat janë të prekur dy ekonomistë dhe një tjetër në call center.
Te prekur ka edhe pranë qendrës së naftës në Gorisht. Rastet e tjera janë kryesisht raste kontakti dhe pensionistë.
Portieri dhe kapiteni i Kombëtares Etrit Berisha ka rezultuar pozitiv me koronavirus. Lajmin e ka bërë të ditur klubi i SPAL, i cili është kujdesuar të saktësojë se ‘gardiani’ është infektuar teksa ishte pjesë e Kombëtares shqiptare.
Sipas SPAL, që është pjesë e Seria B në Itali, futbollisti është karantinuar që prej ditës së djeshme ku edhe rezultoi pozitiv, ndërsa nuk ka patur asnjë kontakt me pjesën tjetër të stafit.
Berisha nuk është i vetmi që rezultoi pozitiv në Kombëtaren shqiptare pasi një ditë para ndeshjes me Bjellorusinë Elseid Hysaj pati të njëjtin fat të keq. Ndërkohë futbollistët e tjerë kuqezi që kanë rezultuar pozitiv edhe pse jo në kohën kur ishin me kuqezinjtë janë Thomas Strakosha, Marash Kumbulla, por edhe Myrto Uzuni.
TIRANË - Një tjetër viktimë është shënuar në rradhët e bluzave të bardha si pasojë e koronavirusit.
Ditën e sotme (28 nëntor) ka humbur jetën një mjek okulist, Ferdinand Shkrepa 68-vjeç.
Ai kishte një javë që ishte konfirmuar pozitiv me COVID ndaj u shtrua në spitalin Infektiv në Tiranë ku fatkeqësisht nuk arriti t'i mbijetojë sëmundjes.
Lajme të tjera
-
Basketboll femra/ Tirana mund Flamurtarin në finalen e parë
24 Prill, 12:12 -
Vlorë, 20 të dënuar lirohen sot nga burgu i Vlorës, 5 përfitojnë ulje
24 Prill, 10:19 -
Pr.ligji për shëndetin riprodhues e nënat surrogate, ministrja i përgjigjet opozitës: U hodh në konsultim publik, reflekton praktikat ndërkombëtare
24 Prill, 09:49 -
Vlorë/ Shtyu amerikanen nga shkallët, nis hetimi për turisten gjermane
23 Prill, 15:36 -
Emigrantë në Vlorë, indianët: Punojmë prej dy vitesh në fabrikë, të kënaqur me punën, na mungojnë familjarët
23 Prill, 15:19
-
Shembet rruga ngjitur me pallatin në ndërtim, izolohen banorët e lagjes ‘Qazim Demi’ në Sarandë (VIDEO)
23 Prill, 12:14 -
Dy muaj e gjysmë jashtë funksionit, pamjet nga dëmi i shkaktuar nga zjarri në Urgjencën e QSUT-së! Vijon puna për rikthimin në normalitet
23 Prill, 09:13 -
Bonusi i bebes, nga viti 2019 përfituan mbi 210 mijë fëmijë
23 Prill, 08:18 -
Sarandë/ Vuante nga probleme të shëndetit mendor, turistja gjermane rrëzon amerikanen nga shkallët në Lukovë
22 Prill, 15:19 -
QSUT 4 muaj pa shintigrafi, mungon sërish jodi për funksionimin! Një muaj pas denoncimit të Report Tv MSH s’e siguron! Dhjetëra pacientë te privati
22 Prill, 13:32
-
Programi për kujdesin e shikimit, mbi 55 mijë fëmijë kryen kontrolle
22 Prill, 12:50 -
Fredi Beleri kandidat për eurodeputet, Vangjel Tavo: Çështje që i takon Greqisë! Mitsotakis në vështirësi, do votat e ekstremistëve të djathtë
22 Prill, 12:15
