POP 5

Lajmet më të lexuara të 5 minutave të fundit

Kronikë

Shit-blerja e votave/ Dako pyetet për 5 orë te Krimet e Rënda (Dëshmia)

Vangjush Dako dëshmoi për pesë orë te Krimet e Rënda për dosjen "339/1". Dako është pyetur nga prokurorët Vladimir Mara dhe Dritan Premçi. Me Dakon janë pyetur edhe disa zyrtarë të tjerë lokalë, ndërsa sot edhe dy të tjerë. Përgjimet e zbardhura në vitin e fundit shkaktuan akuza të forta nga opozita në drejtim të tij, ndërsa Dako vendosi të mos garonte në 30 Qershor për një tjetër mandat.

Shit-blerja e votave/ Dako pyetet për 5 orë te Krimet e Rënda (Dëshmia)

Kryetari i Bashkisë së Durrësit, Vangjush Dako

Kryebashkiaku i Durrësit Vangjush Dako është pyetur për gati pesë orë në Prokurorinë e Krimeve të Rënda duke dhënë shpjegime lidhur me hetimin që ka nisur akuza për dosjen '339/1'. “Shqiptarja.com” mëson se Dako është marë në pyetje nga dy prokurorët e çështjes Vladimir Mara dhe Dritan Prençi, të cilët kanë kërkuar përgjigje nga Dako për gati 20 pyetje. Kryebashkiaku është pyetur në cilësinë e personit që ka dijeni për ngjarjen dhe jo si person nën hetim. Mësohet se Dako ka treguar rrethanat e njohjes me Avdylaj dhe personat të tjerë që janë përgjuar nga prokuroria. Ai ka treguar se nuk mund të dilte garant dhe të ishte i bindur plotësisht se në fushatën e tij zgjedhore, persona të ndryshëm, dashamirës, mund të kenë ofruar para tek persona të tretë, me qëllim blerjen e votës.

Përgjimet telefonike për operacionin “Vol-Vo 4”, kanë nxjerë në skenë emrin e kreybashkiakut të Durrësit Vangjush Dako, i cili ka dalë në përgjime, teksa flet me Altin Avdylaj dhe emri i tij, përmendet nga persona të tjerë për blerje votash në Durrës, një ditë pasi të zhvilloheshin zgjedhjen elektorale. Nisur nga këto përgjime por edhe të dhëna të tjera, prokuroria e Krimeve të Rënda, që prej fundit të muajit Maj 2017, ka nisur një hetim për akuzën e “Shpërdorimit të detyrës”, “Korrupsionin aktiv në zgjedhje” dhe “Ushtrim i ndikimit të paligjshëm ndaj personave që ushtrojnë funksione publike”, kryer në formën e grupit të strukturuar kriminal. Për këto akuza burime pranë prokurorisë së Krimeve të Rënda thanë për “Shqiptarja.com” se janë duke u kryer verifikime të imtësishëm, përfshirë këtu, Vangjush Dakon, vllezërit Avdylaj dhe disa persona të tjerë, që kanë qënë pjesë e shtabit elektoral pranë Vangjush Dakos. Hetimi për krim zgjedhor nuk është i vetëm, saktësojnë burimet, pasi Dako po verifikohet edhe për punësime të paligjshme në njësitë administrative që drejton bashkia e Durrësit, pasi nga përgjimet janë konstatuar ndërhyrje dhe emërime jashtë kritereve që parashikon ligji.

Dy bisedat që nxorën emrin e Vangjush Dakos
Po kush janë bisedat që sollën kryerjen e verfikimeve? Deri tani tre janë përgjimet e publikuara ku Dako flet me anëtarët e bandës së Shijakut. Në bisedën e parë në datë 24 qershor, një ditë para zgjedhjeve të 2017, dikush flet me Altin Avdylin i njohur me pseudonimin “Nicen” dhe i thotë:“Kam ca me mbiemër Kurti, kam zonjën këtu… po deshe…6 veta janë, thuaj Vangjushit t’i japim ndonjë lek, që të votojnë”. Ndërsa në bisedën e dytë të publikuar, Dako gjatë komunikimit me Altin Avdylin interesohet që të takohet me një person tjetër i quajtur Astrit. Sipas transkriptit të kësaj bisede me Altin Avdylin, Vangjush Dako kërkon të takohet me vëllanë e tij, Astritin për ta falënderuar dhe folur për diçka, dy ditë pas zgjedhjeve të 2017. Ndërkohë që në një tjetër përgjim të publikuar nga Berisha, Dako është kapur duke biseduar me Jasin Avdylin, i cili po ashtu është i arrestuar.

Hetime për pastrim parash për grupin
Paralelisht me hetimin për trafik droge dhe verifikimet për Vangjush Dakon, prokuroria e Krimeve të Rënda, ka nisur hetim pasuror për të arrestuarit e operacionit “Vol-Vo 4”. Astrit Avdylajt dhe anëtarët e familjes së tij në Shijak, tashmë janë bërë objekt dhe i hetimit pasuror. Perandoria e Avdylajt dhe biznesmenit tjetër të shpallur në kërkim Admir Hoxha, do i nënshtrohen një hetimi pasuror për të hedhur dritë mbi vënien e kapitalit pasuror nga këta persona. Admir Hoxha, që dyshohet se është ideatori i krijimit të laboratorit të zbuluar në Brenog të Hasit është shpallur në kërkim ndërkombëtar nga policia e shtetit. Hoxha zotëron pasuri në Tiranë, Durrës dhe në zonën e Rinasit. Ndërkohë që prokuroria e Krimeve të Rënda ka nisur procedurën duke kërkuar informacion të imtësishëm në hipoteka, banka dhe ALUIZNI. Ndërkohë kreu i këtij grupi kriminal Admir Hoxha, është shpallur në kërkim ndërkombëtar.

Rendit zhvillimet sipas orarit:
Ora 21:00
Dako në prokurori për përgjimet/ Vjen reagimi i parë nga PD-ja

1558206074_243085.jpg
Pas thirrjes së Vangjush Dakos në prokurori ka ardhur edhe reagimi i parë nga PD-ja. Kryetari i FRPD-së, Belind Këlliçi shkruan se prokuroria u kujtua pas 2 vitesh kur shkatërroi provat, ndërsa shton se është i njëjti skenar si me Saimir Tahirin. Pas daljes së përgjimeve PD-ja kërkoi largimin e Dakos, ndërsa i kërkoi prokurorisë që ta vendoste para drejtësisë.

Postimi i plotë
Pas dy vjetesh heshtje dhe perpjekjesh per te shkaterruar cdo prove, prokuroria qenka kujtuar me ne fund te therrase akulloren e Rames, Dakon e Nices. Ne fakt nuk ka asgje te re! Eshte i njejti skenar sic beri me Saimir Tahirin! Pas presionit te opozites dhe atij nderkombetar, Rama vendosi ti beje nje dorezim te kontrolluar Dakos, ti hedhe hi syve shqiptareve & nderkombetareve dhe neser ta nxjerre te pafajshem.

Kjo manover deshperuese e Edi Rames mund ti sherbeje vec lajmeve te dites por nuk mund ta ndihmoje ate te zgjase pushtetin e tij. Edi Rama nuk mund te genjeje me askend. Kjo prokurori e kapur eshte thjesht garanci per Ramen, per ti sherbyer krimit, politikaneve te lidhur me krimin dhe te korruptuarve, pra pushtetit te Edi Rames. Pa largimin e Edi Rames nuk mund te kete drejtesi, nuk mund te kete zgjedhje te lira dhe te ndershme, nuk mund te kete Shqiperi europiane.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Berti: 18/05/2019 23:21

    Jo per te mbeshtetur PD se nuk e bej kurre por e njejta gje si me Saimir Tahirin duket dhe ashtu do perfundoje. Rama duhet ti dorezoj te inkriminuarit nese nuk eshte i perlyer me ta. Boll me!

    Përgjigju
    • Ufo: 19/05/2019 15:39

      O berti ti nuk qenke shqiptar se ne shqipri plako kan 29 vjet qe japin lek si te majte e te djathte e te mesit. Me duket se ti paske ik me ambasadat e nuk je kthyer me ne shqipni

  • Robshi: 18/05/2019 22:38

    Ky shkon në prokurori për show...ky kur hynte garant për niçet imagjino si i duket prokuroria si drejtori bashkie...

    Përgjigju
  • Limi: 18/05/2019 21:33

    Gjushi koke turku Per ti HEDHE hi syve te opozites Per VOTIMET e 30 qershorit

    Përgjigju
  • Ops: 18/05/2019 20:30

    Prandaj qenka merzit Ramazoni ???? O Ramazon do ta hash riken

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako