Për Gjonin, ministri Naço ka bërë kërkesën për nisjen e procedimit disiplinor,duke propozuar masën e shkarkimit të tij. E njëjta masë është kërkuar nga Nasip Naço dhe për gjyqtarin e Elbasanit, Ilir Pashaj, Andi Ymerin të Shkodrës, Markelian Kuqin të Korçës, Ken Dhimës të Vlorës, Klorinda Çelës të Tiranës dhe Shtjefën Lleshin të Pukës. Pritët që këto kërkesa tashmë të shqyrtohen ditën e hënë nga anëtarët e Këshillit të Lartë të Drejtësisë, ku do vendoset në unanimitet masat e penalizimit të tyre.
Proceset penale
Katër nga gjyqtarët që janë propozuar nga Nasip Naço, momentalisht ndodhen në procese penale të hapura në Shkodër, Elbasan dhe Durrës. Gjyqtari i Apelit Gjin Gjoni është proceduar panlisht për akuzën e “Fshehjes së pasurisë” dhe “Falsifikimit të dokumentave”, çështje kjo që tashmë po ndiqet nga njësia hetimore Task-Forcë në Elbasan. Kjo prokurori ka kërkuar pezullimin nga detyra të Gjin Gjonit si gjyqtar Apeli në Tiranë dhe anëtar KLD-jë, kërkesë kjo që është rrëzuar nga dy gjykatat e Elbasanit dhe ajo e Apelit në Durrës.
Gjoni sipas Inspektoriatit të Deklarimit të Pasurive ka arritur të fshehë një pasuri prej rreth 2.5 milion euro. Ndërkohë procese të hapura penale kanë dhe çifti i bashkëshortëve Ken Dhima dhe Klorinda Çela, që të dy të akuzuar për “Fshehje të pasurisë”, dosje kjo që po hetohet nga njësia hetimore Task-Forcë në Durrës. Proces penal për akuzën e korrupsionit ka dhe kryegjyqtari i Pukës Shtjefën Lleshi, çështja e të cilit po ndiqet në Shkodër. Mes të propozuarve për shkakrkim është dhe gjyqtari i Elbasanit Bujar Musta, i shumëpërfolur në dhjetëra raste vendimesh skandaloze, që kanë sjellë lirimin e vrasësve.
KLD i “bindet” Naços
Vendimi për të futur në rendin e ditës 8 kërkesat për procedim të gjyqtarëve, duket se ka bindur KLD kundrejt kërkesave të vazhdueshme të Nasip Naços.Sipas KLD shqyrtimi i procedimit disiplinor për 5 gjyqtarët, që ishte e parashikuar të zhvillohej në mbledhjen e datës 30 qershor 2014, u shty për shkak të mungesës së Ministrit të Drejtësisë. KLD gjatë mledhjeve të fundit ka shqyrtuar me intensitet kërkesat e Ministrit të Drejtësisë për procedime të gjyqtarëve të ndryshëm. Konkretisht nga 20 kërkesa të depozituara nga Ministri i Drejtësisë, janë përfunduar së shqyrtuari 9 kërkesa për procedim disiplinor.
Pezullimi i Ken Dhimës në gjykatën e Lartë
Prokuroria e Apelit në Durrës ka dërguar dje rekursin në Gjykatën e Lartë për pezullimin e gjyqtarit Ken Dhima, pas kthimit të Dhimës në detyrë nga Apeli në Durrës. ILDKPKI kallëzoi gjyqtarin Dhima për deklarim të rremë dhe fshehje pasurie. Gjykata e Shkallës së Parë vendosi 3 muaj pezullim, Apeli në Durrës e ktheu në detyrë. Sipas Prokurorisë “Hetimet ndaj gjyqtarit po vazhdojnë në gjendje të lirë”. Ndërkohë për sa i përket kundërshtimit të dy vendimeve të gjykatave për mospranimin e pezullimit të Gjin Gjonit, prokuroria për të ka refuzuar të bëjë rekurs në Gjykatën e Lartë. Ndërkaq, bëhet me dije se procedimi ndaj gjyqtarit Ken Dhima do të shqyrtohet dhe në Këshillin e Lartë të Drejtësisë më 7 Korrik 2014.
Shkrimi u botua në Shqiptarja.com (print) në 5 Korrik 2014
Redaksia Online
(d.a/shqiptarja.com)
Lajme të tjera
-
EKSKLUZIVE/ Shërbimet sekrete: Gjyqtari Ken Dhima 4 vite korrupsion, gjyqtarja Mimoza Brahimi lidhje me krimin e organizuar
1 Qershor 2022, 16:59
-
U shkarkua për 550 mijë USD pasuri të ‘zezë’, si e shpëtoi KLD-ja e Berishës gjyqtaren Klorinda Çela në 2014! Sot kallëzohet në SPAK, ja biznesmeni që e ‘mbuloi’ me para
28 Dhjetor 2021, 16:35
-
DREJTËSIA/ Pas Ken Dhimës, drejt shkarkimit edhe gruaja e tij gjyqtare, nuk justifikon 550 mijë USD asete! Historia dhe ‘bëmat’ e çiftit
27 Tetor 2021, 15:23 -
Biznesmeni Ahmet Muça ‘mbuloi’ me para gjyqtarin Ken Dhima, zbulohen pagesat për pushime, udhëtimet turistike dhe dhurata deri në 20 mijë euro
27 Shtator 2021, 17:09
-
Fshehu miliona/ Shkarkohet nga detyra gjyqtari Ken Dhima, bëmat e ‘rebelit’ të Vlorës nga shpërthimi kundër Soros tek përleshjet e fundit në gjykatë
29 Korrik 2021, 19:27
-
Dhurata dhe 600 mijë USD tepër, ‘rebeli’ i Vlorës Ken Dhima drejt shkarkimit, u ‘sëmur’ për t’i ikur Vetingut të cilin në 2018 e shpalli Sorosian, si e shpëtoi 2 herë KLD
28 Korrik 2021, 10:13
-
‘Soros ka pushtuar Shqipërinë’, ‘rebeli’ Ken Dhima del para Vetingut, Gjonaj kërkoi shkarkimin në 2018, e shpëtoi KLD-ja, i kallëzuar për pasurinë
26 Korrik 2021, 16:09
-
Dosjet ‘e nxehta’ të Vetingut që do tronditin drejtësinë në 2021, nga Fatmira Hajdari, Alaudin Malaj, Besim Hajdarmataj, Beçaj tek Lazër Sallaku
5 Janar 2021, 15:56
-
Rinis Vetingu me Donika Prelën dhe Vojsava Osmanajn, dosjet e 'nxehta' të vjeshtës
31 Gusht 2020, 19:12
-
Korrupsion dhe seks / ‘Bëmat’ e gjyqtarëve dhe prokurorëve të radhës para Vetingut, përballjet e bujshme në vjeshtë
4 Gusht 2020, 18:55
