U përjashtua nga PS/ Gjetani del kundër Ramës: Dekreti i presidentit për bashkimin e shqiptarëve

Ish-deputeti i Partisë Socialiste, Gjetan Gjetani, sot deputet i pavarur, ka dalë hapur kundër shkarkimit të presidentit Meta. I përjashtuar nga Grupi Parlamentar i PS-së në shtator të 2018-ës, Gjetani i ka drejtuar një thirrje deputetëve socialist që të mos votojnë "pro" nismës së PS për shkarkimin e presidentit Meta, pasi vendimit nga ky i fundit për të zhdekretuar datën e zgjedhjeve.

“I bej thirrje kolegeve të mi socialistë që te mos ndjekin Edi Ramën në rrugën e tij për shkatërrimin e përçarjen e Shqipërisë. Dihet që Edi Rama është armiku i zgjedhjeve të lira e të ndershme prandaj nuk lejoi zgjedhje edhe në PS.

Dekreti i presidentit është një veprim për bashkimin e shqiptareve dhe jo ndarjen e tyre, për zgjedhje të lira dhe jo për zgjedhje të kapura nga krimi, për integrimin dhe jo për izolimin e shqiptarëve. Prandaj të bashkohemi të vlerat e vërteta dhe ta lemë vetëm Edi Ramën në çmendurinë e tij për para e për pushtet dhe në greminën ku ai do të fusë vendin dhe socialistet e ndershëm.

Sot është koha që të zgjedhim të mirën për vendin dhe familjet tona dhe të largohemi nga e keqja,që përfaqëson Edi Rama i cili mendon vetëm për xhepin dhe pushtetin e vet dhe të krimineleve rreth tij”, shkruan Gjetani.


Lajmi kryesor:

Shkarkimi i Metës? Maliqi: Kundër, veproi si burrë shteti! Gjoni: Kusht ndryshimi i Kushtetutës


B.K./Shqiptarja.com
  • Sondazhi i ditës:

    Si ka ndryshuar cilësia e arsimit gjatë pandemisë?



×

Lajmi i fundit

John

Talebanët 'kthehen' në identitet, paralajmërojnë berberët që të mos shkurtojnë mjekra ose do të ketë ndëshkime