Shkarkohet Çipi, drejtori i Teatrit
Kombëtar Eksperimental

Ministria e Kulturës ka shpallur konkursin për Drejtorin e Teatrit Kombëtar Eksperimental “Kujtim Spahivogli”, post të cilin deri në këtë kohë e ka mbajtur Kastriot Çipi.

Ndërsa lajmëron lirimin e drejtorit aktual, MK shpall edhe kriteret që kandidati i ri duhet të plotësojë.

Ndër kërkesat themelore, janë përcaktuar edhe disa kërkesa të veçanta: si të ketë kualifikime drejtimin e projekteve kulturore; të ketë treguar përpjekje serioze në krijimin e një atmosfere alternative në teatrin shqiptar; të ketë përvojë në ndërtimin dhe mbajtjen e marrëdhënieve me donatorë dhe grupe të tjera interesi, si dhe në ngritjen e fondeve prej burimeve të ndryshme - si të sektorit publik ashtu edhe atë privat, etj.

Redaksia Online
(Shqiptarja.com)