Mbi 10.5 milionë medikamente mjekësore me vlerë mbi 40 milionë euro, 349 të dyshuar të arrestuar dhe 10 laboratorë klandestine, janë rezultatet e një operacioni të Europol në 28 vende të botës, mes tyre dhe Shqipëria, gjatë të cilit u shkatërruan 59 grupe kriminale të trafikimit e ilaçeve të falsifikuara dhe substancave doping. Policia shqiptare njoftoi se nga 7 operacionet të zhvilluara në vendin tonë, 14 janë në pranga, 6 nën hetim si dhe janë sekuestruar medikamente me vlerë 100 mijë euro.
Gjatë operacionit ndërkombëtar 'Shield', u sekuestruan sasi masive të barnave të keqpërdorura, të falsifikuara, medikamente dhe substanca dopingu dhe suplemente të paligjshme ushqimore dhe sportive, si dhe vaksina të falsifikuara kundër Covid, produkte sanitare dhe pajisje mjekësore. Substancat doping dhe ilaçet për mosfunksionimin erektil ishin ndër sendet më të sekuestruara. Po ashtu u sekuestruan mbi 1 milion teste të falsifikuara për COVID.
Operacioni u drejtua nga Franca, Greqia, Italia dhe Spanja. Mbi 195 hetime u zhvilluan midis prillit dhe tetorit të vitit 2022. Janë monitoruar mbi 588 faqe interneti, nga të cilat u mbyllën 89. Mbi 218 mijë dërgesa janë kontrolluar ndërsa mbi 74 mijë janë sekuestruar.
Anëtarët e grupit kriminal që merreshin me trafik ilaçesh, kryesisht të mosfunksionimit erektil ishin aktivë në Greqi dhe mbanin qendra të tjera të vogla në Evropë, SHBA dhe Azi. Dy laboratorë që u zbuluan në Greqi bënin të mundur përpunimin e lëndës së parë të trafikuar përmes Moldavisë dhe Bullgarisë në produkte të ndryshme. Shitjet u kryen përmes faqeve të internetit dhe adresave të e-mail të koduara për një klientelë ndërkombëtare, duke përfshirë dhjetëra atletë profesionistë.
Grupet kriminale shfrytëzuan mundësitë e ofruara nga pandemia Covid-19 për të shitur vaksina të falsifikuara. Shtetet anëtare që u përfshinë në operacion ishin Austria, Belgjika, Bullgaria, Kroacia, Qiproja, Finlanda, Franca, Gjermania, Greqia, Hungaria, Irlanda, Italia, Lituania, Holanda, Polonia, Portugalia, Rumania, Sllovakia, Spanja, Shqipëria, Bosnja dhe Hercegovina, Kolumbia, Gjeorgjia, Islanda, Maqedonia e Veriut, Serbia, Zvicra, Shtetet e Bashkuara.
Medikamente mjekësore me vlerë 100 mijë euro, 14 në pranga dhe 6 nën hetim janë rezultatet e 7 operacioneve në Shqipëri në kuadër të goditjes së kontrabandimit të barnave mjekësore. Policia shqiptare ishte pjesë e operacionit ndërkombëtar “Shield”, i koordinuar nga Europol që goditi 59 grupe kriminale.
Në operacionin e Europol që goditi 59 grupe kriminale mori pjesë edhe Shqipëria. Nga hetimet u zbuluan grupet që furnizonin sportistët me doping në të gjithë botën dhe përfitonin nga pandemia për të kontrabanduar vaksina Covid-19 false
Lajme të tjera
-
Marrëveshja e emigrantëve me Shqipërinë, Meloni: Hera e parë që kam marrë kërcënime nga trafikantët! Çelësi për bllokimin e migracionit të parregullt
31 Tetor, 19:55 -
Raporti për Shqipërinë: Rekomandimet e KE-së në shumicën e rasteve janë zbatuar pjesërisht
30 Tetor, 21:51 -
Bruksel/ Varhelyi: Arritje, hapja e grup-kapitujve të parë me Shqipërinë! Korrupsioni nuk ka vend në familjen e BE
30 Tetor, 19:23 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30 -
Tryeza e stabilizim-asociimit, s'ka konsensus para BE-së! Opozita refuzon të votojë deklaratën e përbashkët! Eurodeputetët: Vota kundër sinjal negativ për Brukselin
30 Tetor, 12:07 -
E përditshmja gjermane 'Frankfurter Neue Presse': Shqipëria, destinacioni evropian i pushimeve të ëndrrave
29 Tetor, 11:56 -
Kukës/ I dënuar në Maqedoni për trafik droge, vihet në pranga 38-vjeçari nga Kosova! Tentoi të hynte në Shqipëri
29 Tetor, 09:08 -
Ministri Hoxha takim me ambasadorin britanik: Reduktimi i migracionit të paligjshëm një prej sfidave më kritike për dy vendet
28 Tetor, 16:14 -
Begaj takim me ministrin saudit: Arabia Saudite, mbështetje për Shqipërinë në momente të vështira
28 Tetor, 15:20 -
Marinsi i 'Navy SEAL-s' që tha se vrau Bin Ladenin: Ja pse më dërguan me mision në Shqipëri në vitin 1998, Al Qaeda po planifikonte sulm (VIDEO)
28 Tetor, 10:06 -
Çmimet e qumështit dhe kosit në Kosovë 2 herë më të ulta sesa në Shqipëri
28 Tetor, 09:40
-
Revista globale 'CN Traveler': Tirana mes qyteteve evropiane perfekte për një 'arratisje' treditore
26 Tetor, 09:13
