POP 5

Lajmet më të lexuara të 5 minutave të fundit

Ekonomi

Shkelën rregullat, revokohen lejet
për 121 biznese të minierave

Ministria e Energjetikës dhe Industrisë deklaron se ka revokuar lejet për 121 subjekte minerare dhe në me urdhër të ministrit Damian Gjiknuri, strukturat kanë ushtruar kontroll për subjektet të cilat janë pajisur me leje për zhvillimin e aktivitetit minerar.
Shkelën rregullat, revokohen lejet<br />për 121 biznese të minierave
TIRANË - Revokohen lejet minerare për 121 subjekte. Ministria e Energjetikës dhe Industrisë bëri të ditur sot  se, në zbatim të urdhrit të ministrit Damian Gjiknuri, strukturat ushtruan kontroll për subjektet e pajisura me leje për zhvillimin e aktivitetit minerar.
 
Ministri Gjiknuri ka firmosur fillimin e procedurave për revokimin e 121 lejeve minerare, që përbëjnë rreth 16% të totalit të lejeve të lëshuara. “Përveç këtyre 121 lejeve për të cilat ka nisur procedura e revokimit, për disa subjekte të tjera janë vendosur penalizime me gjoba”, bën të ditur ministria e Energjetikës.
 
“Gjatë këtij auditimi, krahas subjekteve të cilat zhvillojnë aktivitet minerar në zbatim të kërkesave ligjore, janë evidentuar edhe disa subjekte të tjera, të cilat megjithëse janë pajisur me leje minerare të rregullta, nuk zbatojnë me korrektësi kërkesat për lejet minerare që kanë në zotërim dhe detyrimet financiare ndaj shtetit”, thuhet në njoftimin e bërë nga Ministria e Energjitikës.
 
Sipas ministrisë, disa prej këtyre subjekteve u ka përfunduar afati fillestar i lejes minerare dhe nuk kanë bërë në kohë kërkesë për zgjatjen e tij. Në përgjithësi, këto subjekte rezulton ta kenë ndërprerë aktivitetin minerar ndërsa AKBN dhe MEI u ka kërkuar rehabilitimin e mjedisit të dëmtuar nga zhvillimi i këtij aktiviteti.
 
“Një pjesë tjetër e subjekteve rezultojnë të zhvillojnë aktivitet të rregullt minerar por nuk janë korrekt me pagesat e garancive për zhvillimin e këtij aktiviteti. Këto subjekte nuk kanë paguar garancinë për rehabilitimin e mjedisit për vitet 2011-2012, duke mos zbatuar kërkesat e ligjit nr. 10304, datë 15.07.2010 dhe të V.K.M nr.440, datë 16.06.2011, “Për miratimin e formës të kushteve të rikthimit dhe mënyrës së llogaritjes së garancive financiare për rehabilitimin e mjedisit”, bën të ditur ministria e Energjetikës.
 
Një tjetër kategori subjektesh janë konstatuar se zhvillojnë aktivitet minerar në zona të mbrojtura mjedisore dhe që u ka mbaruar afati fillestar i lejes. Këto subjekte, megjithëse kanë kërkuar zgjatjen e afatit të lejes, nuk u është pranuar nga Ministria e Energjisë dhe Industrisë, pasi në zonën e licencuar nuk lejohet aktiviteti minerar.
 
Ministria e Energjisë dhe Industrisë deklaron se, është në mbështetje të plotë të investitorëve duke i garantuar për mbështetjen maksimale në realizimin e detyrimeve kontraktuale me shtetin shqiptar. Gjithsesi, në asnjë rast, shteti nuk do të mbyllë sytë përpara rasteve kur investitorët shkelin detyrimet ligjore dhe nuk respektojnë marrëveshjet që kanë firmosur.
 
Ministria e Energjisë dhe Industrisë do të vazhdojë procesin e auditimit edhe për subjektet që veprojnë në minierat e bitumit dhe bakrit.
 

 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kompleksi i 29 Nëntorit është më i madh tek e majta

Kompleksi i 29 Nëntorit është më i madh tek e majta

29 Nëntor, 19:14 nga Ben Andoni