POP 5

Lajmet më të lexuara të 5 minutave të fundit

Kronikë

Shkëlzeni kundër PD: Dëshmitari
Romeo Kara nuk është i çmendu

Partia Demokratike ka dy qëndrime sa i takon shëndetit mendor të dëshmitarit Romeo Karajt, i cili me dëshminë e tij zbërtheu prapaskenat e privatizimit korruptiv të OSSH, ku qytetarët shqiptarë kanë humbur rreth 500 milionë euro. 
Shkëlzeni kundër PD: Dëshmitari<br />Romeo Kara nuk është i çmendu
Partia Demokratike ka dy qëndrime sa i takon shëndetit mendor të dëshmitarit Romeo Karajt, i cili me dëshminë e tij zbërtheu prapaskenat e privatizimit korruptiv të OSSH, ku qytetarët shqiptarë kanë humbur rreth 500 milionë euro.

Anëtarja e djathtë në komisionin hetimor për CEZ, Liljana Elmazi, ka deklaruar se Romeo Karaj nuk është person i besueshëm pasi sipas Karaj ka tentuar të vrasë dy herë veten dhe se vuan nga çrregullime mendore.

Por, ndryshe pretendon Shkëlzen Berisha, në padinë e tij kundër Romeo Karajt. Në një postim në rrjetin social Facebook, Kara ka zbardhur detaje nga padia e Shkëlzen Berishës, i cili ndër të tjera thotë se dëshmitari mbart të gjithë kapacitetin intelektual e profesional për të kuptuar peshën e deklarimeve të tij faktike.

“Çfarë më bëri përshtypje në padinë mjerane ishte shprehja: "I akuzuari mbart të gjithë kapacitetin intelektual e profesional për të kuptuar peshën e deklarimeve të tij faktike...". Harruan çfarë thanë me gojën e deputetes 4XL se unë jam një i çmendur me paranoja etj. Kështu është kur i bën paditë me copy pase duke marrë fraza të gatshme nga vendimet unifikuese. Përfundimisht pinjolli mund të jetë i denjë për të atin, por jo për emrin e juristit. Dhe të mendosh që ky "superjurist" është paguar qindra mijëra euro në një ditë me këtë nivel rapazhdrapa”, shkruan Kara.

Juristi i OSHEE, Romeo Kara pohon gjithashtu se Shkëlzen Berisha pretendon se akuzat e tij do të ndikojnë në betejën e opozitës në zgjedhjet parlamentare të 18 Qershorit. “Berisha i vogël, në kundërshtim me deputeten 4XL në padinë politike të tij ndaj meje.

Në seancën e sotme gjyqësore u njoha me padinë e famshme të mburrur aq shumë në rrjetet sociale dhe në media nga pinjolli. Pinjolli paditës nuk kishte harruar të theksonte se: "Ai është djali i ish kryeministrit Berisha...një zë i pazëvendësueshëm i opozitës së sotme shqiptare. Duke shpifur ndaj tij...natyrisht cenohet edhe figura e ish kryeministrit, në dem kjo edhe të opozitës së sotme parlamentare që po përgatitet të shkojë në zgjedhjet e ardhshme".

Pinjolli edhe në padi nuk e shmang dot vlerësimin si i pazëvendësueshëm për të atin duke treguar qartë mendësinë regrese të qenies së tij. Megjithatë ai e pranon qartë se është Saliu dhe jo Luli i pazëvendësueshëm.

Pinjolli e pranon se dëshmia ime do ta çojë në rrokopujë Saliun edhe gjithë stanin e tij. E tregon këtë merak edhe në padi. Pinjolli po me akuzon për humbjen e paralajmëruar të PD-së”, thotë Kara.

Dje nisi gjykimi i çështjes ndërmjet Shkëlzen Berishës, djalit të ish-kryeministrit dhe juristit të OSSHE, Romeo Kara, i paditur për deklaratat e fundit të bëra gjatë një interviste në Report Tv. Shkëlzen Berisha paditi Kara për shpifje, ndërsa seanca e djeshme parashikonte hapin e pajtimit, gjë që nuk ndodhi. Seanca e radhës pritet të zhvillohet më 20 Mars.
 
Redaksia Online
Al.N/Shqiptarja.com
 

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Lufta/ Aeroportet e Moskës mbyllen përkohësisht! Lavrov: Një armëpushim në Ukrainë do të ishte i padobishëm tani

Lufta/ Aeroportet e Moskës mbyllen përkohësisht! Lavrov: Një armëpushim në Ukrainë do të ishte i padobishëm tani

26 Dhjetor, 15:09