Rama ka vlerësuar punimet që janë bërë për ndërtimin e këtij impianti, nisur nga cilësia e barit, për tribunën qendrore dhe arredimin e pjesës së brendshme dhe të jashtme të saj. Gjatë kësaj vizite nuk kishte si të mungonte edhe një shëtitje në këmbë përreth stadiumit.
Krijimi i hapësirave për parkim ka qenë një nga kushtet e kërkuara vazhdimisht nga përfaqësuesit e UEFA-s dhe jo më kot, kryeministri dhe njërëzit që e shoqërojnë janë ndalur për disa çaste edhe tek pjesa para tregut të Zdrales që tashmë rrezikon të prishet, pikërisht për të krijuar këto hapësira që ky stadium i ka të nevojshme për të plotësuar të gjitha kriteret e kërkuara nga institucioni i futbollit europian.
“Loro Boriçi” tashmë po shkon drejt përfundimit të ndërtimit të plotë të tij. Ka mbetur vetëm vendosja e tabelës elektronike dhe disa detaje të vogla dhe ky stadium do të jetë gati për të pritur ndeshjen e parë hapëse të tij.
Redaksia Online
l.q/Shqiptarja.com