Një shtëpi private në afërsi të shkollës së mesme “Oso Kuka” në Shkodër është djegur. Në momentin e rënies së zjarrit askush nuk ishte brenda ndërsa dy fëmijë sapo ishin nisur në shkollë.

Zjarri mendohet se ka ardhur nga një pakujdesi duke qenë e zonja e shtëpisë mund të ketë harruar ndonjë prej pajisjeve elektrike ndezur. Nga zjarri që ka përfshirë banesën ka shpërthyer më pas edhe bombola e gazit, por fatmirësisht nuk ka pasur njerëz brenda. 3 zjarrfikëse dhe efektivë policie shkuan në vendngjarje për të shuar flakët.

Shtëpia është djegur totalisht në 3 dhomat e saj. Një grua në moshë të re kishte me qira banesën dhe fatmirësisht të gjithë familjarët kanë shpëtuar. Zjarrfikëset po ndërhyjnë nga të gjitha anët e shtëpisë për të shuar flakët.

[gallery]24806[/gallery]

dy.b/shqiptarja.com