SHKODËR – Ish-efektivi i FNSH-së Ylli Ceka, i dënuar në 2016 me 11 vite burg për vrasjen e Edvin Voglit në zonën e Freskut në Tiranë u arrestua mbrëmjen e sotme në Shkodër.
Policia ka bërë të mundur arrestimin e tij pas marrjes së informacionit nga efektivët e Shqiponjave ku Ceka ka qenë në një lokal në lagjen Serreq të Shkodrës dhe në momentin që ka dalë, ai është arrestuar nga policia.
Gazetari i Report Tv, Ergys Kavaja bën me dije se gjatë kontrollit fizik të bërë nga ana e efektivëve, Cekës i është gjetur dhe distinktivi që ka pasur si pjesë e Forcave të Ndërhyrjes së Shpejtë.
Vrasja ka ndodhur në vitin 2010 në zonën e Freskut në Tiranë ku pas një zënke ku kanë marrë pjesë dhe vëllezërit e Ylli Cekës, ky u fundit ka qëlluar me armë drejt Voglit.
Edvin Vogli u dërgua në spital por nuk arriti t’i mbijetonte plagëve të marra e për pasojë ndërroi jetë. Shkak i këtij konflikti është bërë një çështje për pronën. Dënimi nga Gjykata e Tiranës për Cekën është dhënë në shkurt të 2016-ës.
“Gjykata e Tiranës deklaroi fajtor dhe dënoi me 11 vite burg ish-policin e repartit 712, Ylli Ceka. Kohë më parë ai së bashku me vëllezërit pas një zënke banale në zonën e Freskut, plagosi rëndë një shtetas, i cili më pas gjetui vdekjen në spital. Në vendim gjykata cilëson: Deklarimin fajtor të pandehurit Ylli Ceka, akuzuar për kryerjen e veprës penale të “Vrasjes me dashje” dhe në bazë të nenit 76 të Kodit Penal dënimin e tij me 10(dhjete) vjet burgim. 2. Deklarimin fajtor të pandehurit Ylli Ceka, akuzuar për kryerjen e veprës penale të “Mbajtje pa leje të armës dhe municionit luftarak”, parashikuar nga neni 278/2 i Kodit Penal (para ndryshimeve të ligjit Nr.144/2013) dhe në bazë të nenit 278/2 të Kodit Penal dënimin e tij me 2(dy) vjet burgim. 3. Bazuar në nenin 55 të Kodit Penal, të caktoj një dënim të vetëm ndaj të pandehurit Ylli Ceka duke e dënuar përfundimisht me 11(njembedhjete) vjet burgim. -Vuajtja e denimit fillon nga dita e ekzekutimit te ketij vendimi. 4. Detyrimin e të pandehurit Ylli Ceka për të paguar shpenzimet proceduriale gjatë hetimeve paraprake në vlerën prej 75 000” – thuhet në vendimin e gjykatës.
Ngjarja për të cilën është dënuar ish-efektivi i FNSH-së, Ylli Ceka ka ndodhur në 11 dhjetor 2010 në zonën e Freskut në Tiranë. Një konflik për tokën, ku është ndërtuar një pallat, ka sjellë vdekjen e shtetasit Edvin Vogli.
Biznesmeni Gëzim Ceka me profesion ndërtues në bazë të një kontrate të lidhur me shtetasin Petrit Dajti ndërtoi një pallat në tokën pronë e tij. Pas përfundimit të pallatit mes palëve ka pasur shumë mosmarrëveshje në lidhjë me pjesët takuese. Nisur nga këto parregullsi disa herë Dajti i është drejtuar gjykatës Civile për zgjidhjen e mosmarrëveshjeve dhe disa herë ka ndërhyrë dhe Zyra e Përmbarimit.
Mirëpo në 11 dhjetor 2010 rreth orës 14:00 në banesën e Petrit Dajtit, e cila ishte në katin e dytë të pallatit në fjalë, ka ardhur dhëndri i tij, shtetasi Julian Pushaj së bashku me shokun e tij të quajtur Edvin Vogli ku ky i fundit do të merrtte me qira njërin nga apartamentet, pronë e pronarit të tokës shtetasit Petrit Dajti. Pas njëfarë kohë aty kanë ardhur dhe dy kushurinjtë e Petrit Dajtit, shtetasit Altin Guzja dhe Gentian Kola.
Të gjithë së bashku kanë zbritur në bodrumin e pallatit për të ngritur levat e bokseve të energjisë elektrike dhe meqënëse energjia elektrike nuk ka ardhur personat e sipërpërmendur janë ngjitur përsëri sipër për të hapur me forcë derën e apartamentit.
Në këtë moment janë dëgjuar zhurma dhe sharje të cilat vinin nga poshtë pallatit dhe më pas ka filluar një përleshje me vellëzërit Lulëzim e Bashkim Ceka ku fillimisht janë sharë dhe fyer dhe më pas janë goditur me njëri-tjetrin, ku Julian Pushaj ka qëlluar me lopat njërin prej vëllezërve Ceka dhe në këtë moment ka ardhur shtetasi Ylli Ceka i cili është përfshirë në konflikt dhe ka qëlluar me një armë ku si pasojë është goditur shtetasi Edvin Vogli në kokë, duke gjetur vdekjen. Krimi është realizuar me armën e punës, dhe se pavarësisht kësaj gjykata ka dënuar Ylli Cekën me 11 vite burg.
Komente
Lajme të tjera
-
Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë
24 Nëntor, 10:00 -
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Elbasan/ Iu gjet 130 litra naftë e kontrabanduar në shtëpi arresrohet, 29 vjeçari
23 Nëntor, 13:49 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Berat/ Shisnin vajra të përzierë për vaj ulliri bio pasi i reklamonin në rrjetet sociale, arrestohet 56 vjeçari, në kërkim i biri! Policia: Produktet e përdorura, ende të panjohura!
23 Nëntor, 10:24 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33
Un menova se do e denojn 16 muj arrest shpie Por urgjentisht avokati i ti duhet at apelojn
PërgjigjuVrasje me dashje dhe arme mbajtje pa leje 11 vjet burg ! Ku jetojm kshu
Përgjigju