SHKODËR - Një efektiv i policisë rrugore është dhunuar nga një person në Shkodër pasditen e djeshme (8 tetor).

Indrit Shtegu ka qëlluar me grushte në fytyrë efektivin Hysni Idrizi duke i thyer nofullën. Aktualisht autori është ende në kërkim.

Sherri ka nisur pasi efektivi i rrugores gjobiti Indritin për një triçikël të cilin e kishte parkuar keq.

Pas gjobës të dy janë konfliktuar e më pas Indriti ka filluar të godasë me grushte efektivin duke i shkaktuar plagë.

Ai është dërguar menjëherë në spital ndërkohë që autori është larguar nga vendi i ngjarjes dhe ndodhet ende në kërkim.