Shkodër, ikin dritat në Teatrin 'Migjeni', skena në terr gjatë premierës së festivalit të muzikës popullore (VIDEO)

SHKODER - Në premierën e festivalit të muzikës popullore qytetare "Lulebore" në Teatrin "Migjeni" në Shkodër kanë ikur dritat.

Report Tv raporton se salla e mbushur plot me njerëz ka ngelur në errësirë, ndërsa moderatorja dhe aktorja e humorit Rudina Dembacaj mësohet se i ka thurur parodi qeverisë për shkak të këtij episodi. Mësohet se edhe në qendër të qytetit, ku po ndaheshin diplomat e studentëve të ekonomikut, ka pasur shkëputje të energjisë elektrike.

"Nga ana e organizatoreve nuk ka pasur njoftim për zhvillimin e aktivitetit. Ndërprerja e energjisë u be për shkak te punimeve për vendosjen e një transformatori tek kabina elektrike, qe ishte me defekt. E stakuam fiderin për ta vendosur atë, por ky fider furnizon dhe kabinën elektrike te Teatrit. Menjëherë sapo u njoftuam për aktivitetin e vumë fiderin serish në punë. Stakimi ka zgjatur 5 minuta. Nga bashkia kemi marrë njoftim se aktiviteti do zhvillohet sot deri në orën 22:00 dhe nesër do jete përsëri nga ora 18:00 deri në 22:00. Kemi marre masa për furnizimin me energji dhe gjendjen ne gatishmëri për sot e për nesër. Theksojmë se ne raste aktivitetesh është përgjegjësi e institucionit qe e organizon aktivitetin, që të lajmërojë me parë si dhe të marrë masat e nevojshme në rast avarie ne rrjetin e shpërndarjes", thuhet në njoftimin e OSHEE. 

Por kjo deklaratë e OSHEE ka sjellë reagimin e drejtores së Teatrit "Migjeni", Rita Gjeka. Sipas saj, OSHEE ka stakuar dritat edhe ditën e enjte kur në skenën e teatrit zhvilloeshin provat, madje edhe në prani të kryebashkiakes së Shkodrës, Voltana Ademi.

"Pretendimi i OSHEE nuk qëndron. Madje OSHEE tregohet jo korrekte dhe aspak profesionale. Ikja e drita ka ndodhur edhe ditën e enjte 25 tetor ndërsa ndodheshim në provat gjenerale dhe vetë kryetarja e bashkise Shkoder Voltana Ademi ka komunikuar me drejtuesit e OSHEE Shkodër duke i njoftuar për aktivitetin. Posteri i tij dhe reklama i është bërë prej muajsh gjithashtu. Ne si institucion nuk kemi njoftuar përkundrazi nga OSHEE, por as qytetarët e Shkodrës nuk kanë patur dijeni per kete defekt qe kompania u kujtua ta riparoje naten, sepse nuk i mjaftoi dita. Gjithsesi meqe OSHEE do t'ia rikujtojme, po i bejme me dije se edhe te shtunen nga ora 18.00 e deri ne oren 22.00 do te jete nata finale e festivalit. Madje i ftojme drejtuesit te jenë mysafir ne kete feste te Shkodres qe nuk e erreson as OSHEE dhe askush tjeter qe fshihet pas tyre!", tha drejtorja e Teatrit "Migjeni", Rita Gjeka. 

//Shqiptarja.com
  • Sondazhi i ditës:

    A duhet të rikthehen studentët në auditore dhe t'i jepet fund mësimit online?

Komento

Komente

  • Likja: 26/10/2018 19:12

    I Kane vjedhur naften gjeneratorit ,hajdutet e bashkise me ne krye kryehajduten,Volhajna Ademi

    Përgjigju


×

Lajmi i fundit

John

Dita e 8, gjithsej 447 mjekë dhe infermierë kanë marrë vaksinën anti-COVID, Manastirliu: Vijojmë planin edhe për grupet e tjera