POP 5

Lajmet më të lexuara të 5 minutave të fundit

Kronikë

VIDEO/ Shkodër, 12 orë të bllokuar në malin e Bogës, shpëtohen 3 alpinistët nga Tirana! Njëri i dëmtuar në këmbë

Ka zgjatur rreth 12 orë operacioni i kërkim-shpëtimit për 3 alpinistë nga Tirana që kishin mbetur të bllokuar në malin e Bogës. Njëri prej tyre, gjatë zbritjes nga mali ka dëmtuar këmbën dhe për pasojë është transportuar në spitalin e Shkodrës ku po merr trajtimin e nevojshëm mjekësor. 

SHKODËR- Tre alpinistët nga Tirana që kishin mbetur të bllokuar ditën e djeshme (4 shkurt) në malin e fshatit të Bogës, janë shpëtuar gjatë mesnatës. Fillimisht u raportua për 5 alpinistë të bllokuar, por 2 prej tyre arritën të zbrisnin nga mali në gjendje të sigurt. 

Ndërsa për 3 të tjerët pati një operacion kërkim-shpëtimi që zgjati për rreth 12 orë. 

Kanë qenë forcat e policisë, zjarrfikësit dhe një grup vullnetarësh që kanë ndërhyrë për t’u shkuar në ndihmë alpinistëve të bllokuar. Një prej udhëtarëve ka rrëshqitur dhe ka thyer këmbën. Në pamjet e publikuara shihet momenti teksa transportohet nga punonjësit e policisë. 26 vjeçari është dërguar në spitalin rajonal të Shkodrës ku paraqitet në gjendje të mirë shëndetësore. 

Ndërsa gjendja e alpinistëve të tjerë paraqitet e mirë, pa dëmtime. 

Rendit zhvillimet sipas orarit:
Ora 09:33
VIDEO/ 12 orë të bllokuar në malin e Bogës, publikohen pamjet nga operacioni i shpëtimit të 3 alpinistëve nga Tirana, njëri prej tyre i dëmtuar

 

Policia e Shkodrës ka publikuar pamjet e momentit të shpëtimit të 3 turistëve nga Tirana që kishin mbetur të bllokuar në malin e fshatit Bogë prej më shumë se 12 orësh gjatë ditës së djeshme (4 shkurt).

Operacioni i kërkim-shpëtimit, gjatë natës dhe orëve të para të mëngjesit, u krye nga Policia Alpine e Forcave Kombëtare të Sigurisë, në bashkëpunim me shërbimet e Komisariatit të Policisë Malësi e Madhe dhe me Emergjencat Civile, si dhe një grup vullnetarësh.       

Në pamje shihet edhe momenti teksa shpëtohet transportohet turisti 26 vjeçar i cili kishte dëmtuar këmbën.

B.V/Shqiptarja.com

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Laluci: 05/02/2024 12:00

    Vetë e kanë kruajtur!Pse shkojnë në ato zona që nuk e njohin? Edhe për ti nxjerrur është kosto edhe për policin.

    Përgjigju
  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Gjirokastër/ Çifti i të moshuarve u gjet i pajetë, shoqërohen në polici dy banorë të fshatit! Po hetohet edhe pista e vrasjes

Gjirokastër/ Çifti i të moshuarve u gjet i pajetë, shoqërohen në polici dy banorë të fshatit! Po hetohet edhe pista e vrasjes

2 Maj, 16:52