POP 5

Lajmet më të lexuara të 5 minutave të fundit

Kronikë

Ktheu banesën në 'shtëpi bari', në pranga 32-vjecari në Shkodër! Kishte kanabisin në proces tharjeje, mbante edhe armë zjarri (EMRI)

Marçel Shpijati, 32-vjeç ka rënë në pranga pasi u zbulua se në banesën e tij kultivonte kanabis.

SHKODËR- Marçel Shpijati, 32-vjeç ka rënë në pranga pasi u zbulua se në një dhomë në banesën e tij kultivonte kanabis.  32-vjeçarit iu gjetën 20 fidanë kanabis, 1.2 kg kanabis si dhe pajisje elektrike që i përdorte për kultivimin e lëndës narkotike.

Arrestimi i Shpijatit shënon fazën e shtatë të megaoperacioni policor “Qarku” ku numri total i të arrestuarve ka arritur në 34. Gjatë këtij operaciponi, në 7 fazat e tij janë sekuestruar armë e municion luftarak, 270.7 kg kanabis, 476 bimë e fidanë kanabisi, dhjetëra doza kokaine, 4 automjete e 16 aparate celulare.

7 persona u arrestuan dy ditë më parë në fazën e 6-të këtij operacioni , ndërsa 5 të tjerë  u shpallën në kërkim, ku policia  gjeti dhe sekuestroi 77 kilogramë kanabis, doza kokaine si dhe armë e municion luftarak.  Droga u gjet në një lokal të qytetit të Shkodrës, në një parcelë toke dhe në makinën e dy të rinjve.

Më 16 tetor, u arrestuan Sinato Ndreu, Vitor Ndreu ( babë e bir) ndërsa u shpall në kërkim bashkëpunëtori i tyre. Atyre iu gjetën 3 pako me lëndë narkotike kanabis, si dhe doza kanabisi, të gatshme për shitje, me peshë totale 1.5 kg. Në banesën e të arrestuarve është sekuestruar edhe 1 armë sportive.

Megaoracioni ‘Qarku’, çoi në zbulimin e 'shtëpisë së barit' në fshatin Bardhaj. Në bashkëpunim me njëri-tjetrin, 17 persona kanë kryer veprat penale "Kultivimi i bimëve narkotike" dhe "Prodhimi dhe shitja e narkotikëve" dhe “Pastrimi i produkteve të veprës penale ose veprimtarisë kriminale”. Në vijim të kontrollit, shërbimet e Policisë gjetën dhe sekuestruan 86 kilogramë kanabis, dy ventilatorë që shërbenin për tharjen e bimëve narkotike, 3 automjete dhe 15 aparate celulare.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50