POP 5

Lajmet më të lexuara të 5 minutave të fundit

Politikë

Shkodër,  PD ndryshon listën pas
presionit të Jozefina Topallit

Gazeta Shekulli shkruan sot se në Qarkun e Shkodrës ka dhënë dorëheqjen nga kandidimi, Prefektja Voltana Ademi  ndonëse e kishte të sigurtë fitoren. Zhvendosja e listës së kandidatëve rrit shanset për të fituar ata që njihen edhe si mbështetës të rrymës së Topallit. (Foto: Topalli dje në Bushat)
SHKODER - Dyshimet e ngritura për listat e kandidatëve të Partisë Demokratike, po vërtetohen dita ditës. Pas fshehjes së listave zyrtare nga PD-ja për mëse një javë, demokratët kanë ndryshuar dy herë listat para se ato të miratohen nga Komisioni Qendror i Zgjedhjeve si pasojë e qejfmbetjeve të klaneve brenda selisë blu.

Gazeta "Shekulli", shkruan sot në artikullin "Topalli kap për zhelesh kandidatët e Berishës" të gazetarit Luis Tanushi, se në mbledhjen e djeshme të KQZ-së, demokratët kanë ndryshuar për të dytën herë listën e Shkodrës dhe të Tiranës.

Nga krahasimi i dokumenteve të shpërndara përfaqësuesve ligjorë të partive politikë dy ditë më parë, me listën përfundimtare të miratuar dje, rezulton se ka ndryshuar renditja e kandidatëve të PD-së në Shkodër, duke rifuqizuar klanin e kryeparlamentares Jozefina Topalli.

Në Qarkun e Shkodrës ka dhënë dorëheqjen Prefektja Voltana Ademi nga kandidimi, ndonëse e kishte të sigurtë fitoren. Me dorëheqjen e saj, zhvendoset lista e kandidatëve të tjerë, të cilët rrisin shanset për të fituar dy kandidatët e tjerë të PD-së, që njihen edhe si mbështetës të rrymës së nënkryetares Topalli.

Bazuar në rezultatet e zgjedhjeve të 2009, 7 mandate për PD-në dhe 4 për PS-në ishin në rrezik për tu mos u zgjidhur kandidati i renditur i 7-i Bardh Spahia dhe kandidati i renditur i 8-ti Gjok Uldedaj. Me ndryshimet Bardh Spahia duket se e ka të garantuar mandatin ndërkohë që deputetit aktual Uldedaj i rriten shanset për tu rizgjedhur edhe në një mandat tjetër, por nuk janë të vetmet ndryshime këto në qarkun e Shkodrës. Para këtyre ndryshimeve PD në mënyrë të fshehtë hoqi nga lista kandidatin e renditur e 10-ta Merita Gradeci (Ahmetagaj) e cila është zëvendësuar me kandidaten Irma Kopliku.

LISTA E KANDIDATEVE PD NE QARKUN SHKODER SIPAS GAZETES SHEKULLI
1. Jozefina Topalli
2. Helidon Bushati
3. Nard Ndoka
4. Gjovalin Bzhetaj
5. Ndue Paluca
6. Bardh Spahia
7. Gjok Uldedaj
8. Ramiz Çobaj
9. Irma Kopliku (Alushi)
10. Armir Grimaj

(Foto: Topalli dje në Bushat, në 100 vjetorin e Kishës së Mjedës në Kukel)

(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03