POP 5

Lajmet më të lexuara të 5 minutave të fundit

Kronikë

Tronditet Shkodra/ Dy shpërthime brenda natës! Tritol në banesën e kryepolicit të Thethit dhe në fshatin Grudë e Re (VIDEO)

Një shpërthim me tritol ka ndodhur mbrëmjen e të shtunës në qytetin e Shkodrës. Ngjarja është regjistruar në banesën e shefit të Stacionit Policor të Thethit , Prel Milani rreth orës 21:45 në lagjen “Guerrile”. Po kështu një tjetër shpërthim ka ndodhur rreth orës 3:00 të mëngjesit në fshatin Grudë e Re. Fatmirësisht nga të dy shpërthimet me tritol nuk ka patur persona të lënduar.

SHKODËR- Gjatë mbrëmjes se djeshme i është vënë tritol banesës së Shefit të stacionit policor të Thethit në Shkodër, Prel Milani. Ngjarja e rëndë ka ndodhur rreth orës 21:45 në lagjen 'Guerrile' në qytetin verior, ku fatmirësisht nuk ka pasur persona të lënduar, por vetëm dëme të vogla materiale.

Duke shfrytëzuar errësirën e natës dhe lëvizjet e pakëta në rrugë, autorët e kësaj ngjarje kanë mundur të largohen pa u pikasur nga askush. Ndërkohë ende nuk dihen shkaqet e kësaj ngjarje, por referuar dëshmisë që Prel Milanit në polici, mësohet se ai ka deklaruar se dyshon se ka qenë për shkak të detyrës.

Siç raporton gazetari i Report Tv, Ergys Kavaja, Milani ka qenë duke shkuar në punë në policinë e Shkodrës, ai e ka dëgjuar shpërthimin, por nuk ka menduar se ka qenë ne banesën e tij dhe për këtë ka vijuar rrugën drejt Komisariatit. Në ato momente të shpërthimit, ka qenë vetëm bashkëshortja dhe vajza, (djali jo) të cilët më pas kanë lajmëruar Milanit për atë se çfarë ka ndodhur. Pas shpërthimit, ata kanë bërë një kontroll rreth banesës dhe kanë konstatuar derën e magazinës të dëmtuar dhe një gropë me një diametër rreth 30 cm në beton. Sipas dëshmisë së Milanit në polici ka thënë se nuk ka patur konflikte, por dyshon se ky sulm i ka ardhur si pasojë e detyrës si shef stacioni policor dhe dyshimet e para janë për shkak të operacioneve të kryera në zonën e Dukagjinit në luftë kundër kultivimit të lëndëve narkotike.

Por sikur kjo të mos mjaftonte, një tjetër shpërthim me tritol ka ndodhur po në qytetin e Shkodrës. Shpërthimi tjetër me lëndë plasesë ka ndodhur në fshatin Grude e Re në banesën e Kolë Bungaja. Lënda plasëse e cila dyshohet të jetë tritol i  është vendosur në portën hyrëse të banesës. Si pasojë e shpërthimit ka pasur dëme materiale. Banorët ishin në shtëpi në gjumë në momentin e shpërthimit. Ndërkohë po punohet për të zbuluar rrethanat e ngjarjes si dhe identifikimin dhe kapjen e autorit.

Rendit zhvillimet sipas orarit:
Ora 11:19
I vendosën tritol në banesë, flet Prel Milani: Dyshoj se shpërthimi u bë për shkak të detyrës

1578219771_prela001.jpg
Detaje të reja kanë dalë në dritë nga shpërthimi me tritol në banesën e policit në Shkodër. Gazetari i Report Tv, Ergys Kavaja bën me dije se Prel Milani nuk ka qenë në shtëpi gjatë momentit kur ka ndodhur shpërthimi.

Rreth orës 22:00, Prelë Milani ka qenë duke shkuar në punë në policinë e Shkodrës kur është dëgjuar shpërthimi i cili ka tronditur edhe familjaret e tij, vajzën dhe bashkëshorten pasi djali nuk ka qenë në banesë. Më pas familjarët kanë kontrolluar shtëpinë dhe oborrin përreth ku kanë konstatuar derën e magazinës të dëmtuar dhe një gropë me një diametër rreth 30 cm në beton. Në deklaratën e tij në polici, Prel Milani ka thënë se edhe pse ka dëgjuar shpërthimin, ka vijuar rrugën pasi nuk ka menduar që bëhet fjalë për banesën e tij. Pas pak kohësh është njoftuar nga familjarët të cilët ndodheshin në banesë dhe është kthyer menjëherë.

Sipas dëshmisë së Milanit në polici, ai ka thënë se nuk ka patur konflikte, por dyshon se ky sulm i ka ardhur si pasojë e detyrës si shef stacioni policor dhe dyshimet e para janë për shkak të operacioneve të kryera në zonën e Dukagjinit në luftë kundër kultivimit të lëndëve narkotike. 

Ora 08:59
Kush është shefi i stacionit të policisë në Theth që iu vendos tritol në banesë

1578210773_prel.jpg

Banesës së Prel Milanit rreth orës 21:45,  në lagjen 'Guerrile' në Shkodër i është vënë tritoli. Burime për Report Tv bëjnë me dije se Prel Milani është shef i Stacionit të Policisë Theth, Shkodër.Si pasojë e shpërthimit në banesën e tij ka patur vetëm dëme materiale. Ndërkohë Report Tv ka siguruar edhe foton e policit të cilit iu vendos tritol. Deri më tani dyshohet se shkak i kësaj ngjarje të rëndë ka ardhur si pasojë e detyrës që bën Milani. Përveçse oficer policie, Prel Milani është edhe studiues dhe shkrimtar i njohur në Shkodër, kryesisht me studimet e tij për trevën e Dukagjinit dhe personaliteteve të kësaj zone.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ladi: 05/01/2020 12:56

    Per komentuesit jo shkodran desha ti informoj se Shkodra e ka dhurat Voltanen nga vet Rama.Kshilli bashkiak 100% socialist po voton gjitha vendimet e Voltanes duke ndar milionat per interesat e perbashketa.Prandaj ktu nuk ka socialist as demokrat por vetem krim e korrupsion pasi partit jan ba gjitha bashk.Qeveria nuk ban asnji investim me pretekst Voltanen duke harru se keshilli bashkiak esht komplet socialist.Miliarda lek investime ne Vlore e 100 meter investim ne Shirok.Policin nuk e ka Voltana por krimi ka mbyt qytetin.Prandaj para se te flitni duhet te informoheni.

    Përgjigju
  • erisi: 05/01/2020 11:40

    Shkodra as ka patur es nuk do ket kurr rend e qetesi pasi qeveria e ka braktisur plotesisht.Vin ministrat e bejn show mediatik e pas nje jave harrohet cdo gje.As mos pritni permirsim nga kjo qeveri e ky kryeminster qe ju la dhe pa kryetar bashkie.

    Përgjigju
  • Genti: 05/01/2020 11:30

    Po cfare ka lidhje Voltana ketu or mik

    Përgjigju
  • Bo bo: 05/01/2020 11:15

    Nderkohe kryeministri mashtrues me brekushe ben bla bla bla bla 24 ore

    Përgjigju
  • Kola: 05/01/2020 09:58

    Kamerat e sigurise jane mjeti qe mund te ndihmoje oer kapjen e guerrilasve te krimit. Jo vetem ne Shkodren me probleme te Voltanes, po kudo ne Shqiperi, funksionareve qe kuftojne krimin, duhet tu instalohen kamera rreth baneses se tyre.

    Përgjigju
  • Gjoka: 05/01/2020 09:43

    Ha mar se i vejn edhe vet per me marr azil,eshte ba e mod's tesh

    Përgjigju
  • Niko: 05/01/2020 08:45

    E gezofshi azilin ne Europe

    Përgjigju
  • Eri: 05/01/2020 08:30

    E kan mbyt shkodren malsorhanet, kurre nuk bahen njerez keto dukagjinasit e mu**

    Përgjigju
    • Son: 05/01/2020 16:11

      O anton po bajret ca jan malazez?? Apo boshnjak????

    • Anton: 05/01/2020 13:46

      Jo o turkaloq.pabesite dhe poshtersite me te medha ne shkoder I kena ba ju turqit bashke me bajrat e bosnjes serb te konvertuar ne islam

    • X erin: 05/01/2020 12:54

      Ke te drejt mar djal, po ishtu esht kur na ikum e e lajm at vend,bjen ndore t'horit

    • E verteta: 05/01/2020 12:02

      O Eri ata dukagjinasit ta kan kap motren qe i ke inad

    • Kol leka: 05/01/2020 10:24

      Malcort e satam tan poshtersit e shkodres i bajn turqit

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46