Shkodër, thyhet moratoriumi i
peshkut në liqen,është deri në 31 maj

SHKODER-Nuk respektohet moratorium i peshkimit në liqenin e Shkodrës.

Ky moratorium është nga data 1 prill deri me datën 31 maj ku ndalohet gjuetia e krapit, por ky urdhër nuk është respektuar aspak pasi në liqenin e Shkodrës është peshkuar vazhdimisht.

Në lidhje me këtë problem Shoqata e menaxhim-peshkimit vijon të hedhë akuza të forta për degradimin e të gjitha llojeve të peshkut në liqen, ndërsa institucioni i menaxhim-peshkimit abuzon me detyrën që ka, duke dhënë leje për peshkim edhe në periudha të ndaluara.

“Këtu bëhen abuzime të vazhdueshme nga njerëz që dalin e flasin në emër të organizatës së menaxhimit të peshkimit. Kanë arritur deri aty sa të marrin 100 mijë lekë ëër një lundër, dhe me i dhënë të drejtë për të gjuajtur me grepa edhe në kohën e ndalimit të peshkimit. Edhe sot e gjithë kohën kanë marrë nga 100 mijë lekë dhe liqeni është plotë me lundra që është tamam abuzim haptazi dhe një thyerje rregullave të peshkimit”, tha Harusha.
 
Shoqata e menaxhim-peshkimit vijon të apelojë drejt institucioneve që të mbrojnë Liqenin, pasi nuk është pronë private që të abuzohet me të. Ata thonë se pas disa vitesh rrezikon që liqeni të mos ketë më këtë shumëllojshmëri të gjallesave qe ka, ndërsa shumë prej tyre janë degraduar gjatë viteve të fundit, pikërisht për shkak të këq menaxhimit nga ana e institucioneve shtetërore.

Redaksia Online
B.B/Shqiptarja.com