Shkodra me një korsi të re biçikletash, Benet Beci: Rritet siguria për qytetarët

Shkodrës që nga e hëna i është shtuar një korsi e re biçikletash nga Parruca në drejtim të lagjes së Rusit. Për të parë nga afër punimet në ndërtimin e kësaj korsie, Kryetari i Bashkisë Shkodër Benet Beci ka inspektuar vetë punimet.

Ai është njohur me ecurinë e punimeve dhe projekti që përfshin rritjen e sigurisë së përdorimit të rrugës nga banorët e qytetit, ku në jo pak raste ka pasur edhe aksidente.

"Është menduar që gjatësia të jetë 2.5. Trotuari është shumë i gjerë. Kjo ka rëndësi se do të dali në rreth rrotullim”, tha Altin Salihi, drejtor i Ndërmarrjes së Shërbimeve dhe Punëve Publike.

“Çdo fëmijë apo çdo i rritur do të ketë mundësinë të ketë rrugën e vetë të biçikletave. Brenda të gjithë unazës së brendshme të Shkodrës do të kemi rrjetin e biçikletave, që çdo njeri të lëvizi me biçikletë në mënyrë më të sigurt të mundshme”, tha Benet Beci, kryebashkiaku i Shkodrës.

Gjatë këtij inspektimi ai ka marrë edhe përgëzzimet nga përdoruesit e bicikletave, të cilët kanë edhe një apel për Policinë për largimin e motorrëve nga këto korsi që janë rrezik për ta.

“Keni bërë gjënë më të mirë për ne’, tha një qyetar i Shkodrës.

Kryetari i Bashkisë Shkodër u shpreh se kjo ndërhyrje vjen si proces i krijimit të unazes së korsive të bicikletave që e kthen Shkodrën në një qytet unik për këtë shërbim ndaj banorëve, ndërsa u shpreh se puna për korsitë është e integruar edhe me planin për krjimin e parkimeve të mëdha për automjetet.

“Kemi bërë edhe planin e mobilitetit i cili tregon se si bëhet invenstimi në rrugët e biçikletave. Plani është që brenda unazës të Shkodrës të kemi rrjetin e biçikletave. Kushdo shkodran që ka biçikletë të lëvizi në këtë rrjet dhe mos të eci në rrugën e makinave. Po punojmë shumë për këtë sistem. Së shpejti Shkodra do jetë unik jo vetëm si nga biçikletat, por edhe nga siguria e rrugës së biçikletave. Kjo do të shoqërohet edhe me parkimet, por sigurisht do të bëhen avash avash”, tha Benet Beci.

Korsia e re e bicikletave nga Parruca në lagjen Rus ka një gjatësi prej 1,3 km dhe përshkon qendrën e qytetit deri në fund të lagjes Rus. Kjo ndërhyrje është bazuar në planin e mobilitetit të hartuar nga ekspertë të huaj në bashkëpunim me specialistë të Bashkisë Shkodër që ka në themel rritjen e sigurisë së përdoruesve të rrugës dhe shmangien e trafikut.

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polic #: 29/01/2025 20:48

    Prandaj është rritur siguria ... 3 të vrarë në aksidente vetëm dje....

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?



×

Lajmi i fundit

Banka e Shqipërisë ul përsëri interesin maksimal për kreditë konsumatorë, s’do jetë më i lartë se 71% deri në muajin korrik!

Banka e Shqipërisë ul përsëri interesin maksimal për kreditë konsumatorë, s’do jetë më i lartë se 71% deri në muajin korrik!