POP 5

Lajmet më të lexuara të 5 minutave të fundit

Bota

Shkonte e vinte si turist në Itali për të trafikuar drogë, arrestohet dhe dëbohet shqiptari! Jetonte në hotel dhe dyshohej për krime, ja çfarë iu gjet

Policia e Rietit arriti të lokalizonte pas sinjalizimeve të qytetarëve, pasi shqiptari bënte lëvizje të çuditshme. I gjenden doza kokaine dhe 2 mijë euro cash nga aktiviteti kriminal. Por ndjekja e tij zbuloi dhe furnizuesin dhe mund t’i çojë hetuesit tek krerët e kartelit

Shkonte e vinte si turist në Itali për të trafikuar drogë, arrestohet dhe dëbohet shqiptari! Jetonte në hotel dhe dyshohej për krime, ja çfarë iu gjet

Policia italiane e Rieti

Itali- Një shqiptar u arrestua në tentativë trafikimi të lëndëve narkotike gjatë fundjavës në Itali. Policia njoftoi se operacioni u zhvillua në zonën e Borgo (L’Aquila), teksa ishin qytetarët që sinjalizuan lëvizjet e dyshimta të të riut.

Pas vëzhgimit të kujdesshëm, efektivët vunë re se ai po lëvizte në mënyrë të dyshimtë brenda parkut të qytetit. I riu u pa duke u futur brenda disa gardheve dhe kështu e ndaluan.

Në kontroll, atij iu gjetën mbi 2000 euro të ndara në kartëmonedha të prerjeve të ndryshme, dy celularë dhe disa copëza celofani. Oficerët kontrolluan edhe gardhet ku kishte hyrë i dyshuari.

Kjo i ka mundësuar policisë të gjejë brenda një pakete cigaresh mbi 10 gramë kokainë, të ndarë në 18 doza të mbështjella me të njëjtin lloj celofani, raporton “Corrieredirieti”.

Më tej, në dhomën e hotelit ku banonte shqiptari, u gjet një tjetër telefon inteligjent, i cili u mundësoi oficerëve të gjurmonin një narkoman vendas, i cili së fundmi ishte furnizuar me drogë nga i riu i arrestuar dhe që besohet se do çojë hetuesit tek një rrjet i organizuar.

Komisariati i policisë së Rietit, pasi vlerësoi rrezikun, konstatoi se i dyshuari, emri i të cilit nuk u publikua, hynte periodikisht në Itali për arsye turistike, duke kryer krime në të gjithë territorin. Në këtë mënyrë i është kërkuar prefekturës një urdhër dëbimi drejt Shqipërisë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Kosovë/ Minsistri Sveçla: Janë mbyllur institucione paralele serbe në 10 komuna

Kosovë/ Minsistri Sveçla: Janë mbyllur institucione paralele serbe në 10 komuna

15 Janar, 10:08